Foto: ashyq derekkóz
«Qalada ómir súrý sapasy kóptegen faktorǵa baılanysty. Osy máselede tirshilikti qamtamasyz etý nysandarynyń jumysy mańyzdy ról atqarady. Aldyńǵy jyly qalamyz jylýmen jabdyqtaý tapshylyǵyna ushyrady. Osy máseleni sheshý úshin ótken jyldyń kúzinde birqatar nysannyń qurylysyn aıaqtap, paıdalanýǵa berdik. Olar – «Ońtústik-Shyǵys» gaz jylý stansııasy, «Turan» gaz jylý stansııasynyń birinshi kezeńi, JEO-3-tiń birinshi kezeńi. Atalǵan tirshilikti qamtamasyz etý nysandary qalaǵa 1100 Gkal/saǵ astam kúsh berdi.
Osy nysandardyń arqasynda qalamyz ótken jylytý maýsymynda birneshe jyldan keıin alǵash ret jylý profısıtimen shyqty», dep jazdy ákim.
Jeńis Qasymbek jyl sońyna deıin «Turan» gaz jylý stansııasynyń ekinshi kezegin aıaqtaý josparlanyp otyrǵanyn qosa jazdy. Aıta keteıik, bul qalaǵa taǵy 250 Gkal/saǵ kúsh beredi.
«Sonymen qatar jalpy qýaty 620 Gkal/saǵ bolatyn «Telman» gaz jylý stansııasynyń qurylysyn bastadyq. Kelesi jyldan bastap osy GJS-ny kezeń-kezeńimen iske qosýdy josparlap otyrmyz. «Telman» GJS turǵyn úı qurylysy belsendi júrip jatqan aýdandardy jylýmen qamtamasyz etýge qaýqarly. Sol sııaqty qýaty saǵatyna 350 Gkal bolatyn «Ońtústik-batys» gaz jylý stansııasynyń jobasyn júrgizip jatyrmyz.
Turǵyn úı qory jyl saıyn artyp bara jatqanyn eskerer bolsaq, jańa nysandar qalany 2035 jylǵa deıin jylýmen qamtamasyz etýge múmkindik beredi», dep jazdy Jeńis Qasymbek.
