Eýropaǵa «F-22 Raptor» ekadrılıasyn ornalastyrýǵa ruqsat berildi

ALMATY. 16 maýsym. AQSh Áskerı áýe kúshteriniń mınıstri Debora Lı Djeıms Eýropaǵa amerıkalyq ıstrebıtelderdiń eń sońǵy besinshi býyny – «F-22 Raptor» ekadrılıasyn ornalastyrýǵa ruqsat etti. Le-Býrjedegi (Fransııa) avıasalonda jýrnalısterge bergen suhbatynda Djeıms hanym sondaı málimdeme jasady. Bul týraly VVS habarlady. «AQSh áýe kúshteriniń eń sońǵy ýltra-qazirgi zamanǵy ıstrebıtelderiniń Eýropa jaqqa  qonys aýdarýy – Reseıdiń aýmaqtaǵy kúsh kórsetý áreketterine jaýap bolady» dedi mınıstr. Eýropaǵa tosyn kelgen is-saparynyń syrynyń da osynda jatqanyn eske salǵan mınıstr-áıel, Reseıdiń qazirgi áreketi men ol eldegi bolyp jatqan saıası oqıǵalar qaýip-qaterdiń taıap qalǵanyn baıqatatynyn da atap ótti. Sondaı-aq, mınıstr Eýropadaǵy NATO múshelerine qorǵanysqa arnalǵan qarajatty bastapqy kelisimge negizdep bólip turýyn eske saldy. «Biz Eýropadaǵy Odaqtastarymyzben qaı kezde de, qandaı jaǵdaıda da ıyq tiresip birge bolamyz dep sendiremin», – dedi Debora Lı Djeıms. Dúısenbi kúni Pentagon Shyǵys Eýropaǵa tank qoımalary men aýyr tehnıka jetkizý týraly másele talqylady. Talǵat Súıinbaı. Derek: VVS. Sýret: Reuters.