Áıel álemi • 22 Qazan, 2024

Albanııanyń burynǵy Prezıdenti qamaýǵa alyndy

145 ret

kórsetildi

1 mın

oqý úshin

Tıranda Sybaılas jemqorlyqqa qarsy arnaıy prokýratýranyń (SPAK) buıryǵymen Albanııanyń burynǵy prezıdenti jáne Bostandyq partııasynyń negizin qalaýshy Ilır Meta ustaldy. Ol aqshany jylystatý, sybaılas jemqorlyq jáne kiristi jasyrdy degen kúdikke ilingen, dep habarlaıdy Egemen.kz Euronews-ke silteme jasap.

Qyrmyzy JUMAǴALIQYZY

Albanııanyń burynǵy Prezıdenti qamaýǵa alyndy

Foto: Ashyq derekkóz

Tutqyndaý kezinde Ilır Meta qarsylyq kórsetpek bolǵan. Ustaý faktisin onyń advokaty rastaǵan.Ol buǵan deıin baılyǵyn jasyrdy jáne aqshany jylystatty degen kúdikpen tergeýde bolǵan.

Aıta keteıik, 55 jastaǵy Ilır Meta Albanııanyń solshyl Bostandyq partııasynyń jetekshisi jáne 2017-2022 jyldar aralyǵynda el prezıdenti boldy. Ol «kleptokratııalyq rejım ornatty» dep aıyptaıtyn premer-mınıstr Edı Ramanyń ashyq qarsylasy.

Eske sala keteıik, Albanııanyń Demokratııalyq partııasynyń basshysy Salı Berısha da ótken jyldyń jeltoqsan aıynan beri sybaılas jemqorlyqqa qatysy bar degen kúdikpen úıqamaqta otyr. Oppozısııa Ramany qarsylastaryn saıası astarly qýdalady dep aıyptaıdy. Al, Premer-mınıstr muny joqqa shyǵarǵan.