Sotpen anyqtalǵandaı, Qyzylqoǵa aýdany Polısııa bólimi patrýldik polısııa tobynyń ınspektory qyzmettik avtokólikpen áriptesi ekeýi patrýldik qyzmetterin atqarý barysynda jasy kámeletke tolmaǵannyń basqarýyndaǵy motosıkldiń artynda jasy kámeletke tolmaǵan eki jolaýshy bar kúıde júrgenin anyqtap, dybys belgisi arqyly toqtaýdy talap etken. Alaıda, jasy kámeletke tolmaǵan júrgizýshi polısııa qyzmetkeriniń zańdy talaptaryna baǵynbaı, qozǵalysyn jalǵastyrǵan.
«Sottalýshy ony qýdalap kele jatqanda, jasy kámeletke tolmaǵan jol júrisi qaǵıdalaryn buzýshy qara jerge shyǵyp ketip, motosıkldiń basqarý júıesin ıgere almaı, jerge qulaǵan. Sol kezde ınspektor qaýipsizdik sharalaryn qoldanbaı, Jol júrisi qaǵıdalaryn óreskel buzyp, jasy kámeletke tolmaǵandy qaǵyp ketken, nátıjesinde ol oqıǵa ornynda esin jımastan qaza bolǵan», delingen habarlamada.
Prokýror sottalýshyny 2 jyl 6 aı merzimge bas bostandyǵynan aıyrýdy surady.
Jábirlenýshi ókili zańǵa saı jaza qoldanýdy surady.
Sottalýshy óz kinásin moıyndady.
«Sottalýshynyń shyn júrekten ókinýi, asyraýynda jasy kámeletke tolmaǵan balalarynyń bolýy, buryn sottalmaǵany - jaza men qylmystyq jaýapkershilikti jeńildetetin mán-jaılar retinde tanyldy. Aýyrlatatyn mán-jaılar anyqtalmady. Sottalýshy QK-tiń 345-babynyń 3-bóligimen kináli dep tanylyp, oǵan 5 jyl merzimge kólik quraldaryn basqarý quqyǵynan aıyra otyryp, 2 jyl merzimge bas bostandyǵynan aıyrý jazasy taǵaıyndaldy», delingen habarlamada.
Azamattyq talap ishinara qanaǵattandyryldy.
