ELDIŃ YQYLASY ZAŃNAN KО́RINEDI

“Qazaqstan Respýblıkasynyń keıbir konstıtýsııalyq zańdaryna Qazaqstan Respýblıkasy Tuńǵysh Prezıdentiniń – Elbasynyń  qyz­me­tin qamtamasyz etý salasynda zań­na­many jetildirý máseleleri boıynsha  ózgerister men tolyq­tyrýlar engizý týraly”  Konstı­týsııalyq zań ýaqtyly ári der kezinde qabyldandy dep oılaımyn. Qazaqstannyń  qazirgi ekonomı­ka­lyq qýaty men áleýmettik jetis­tikterine dúnıe júzindegi memleket­terdiń barlyǵy da qyzyǵa qarap otyr. Táýelsizdik alǵan jyldardan beri qaraıǵy 20 jylǵa jýyq ýa­qyt­ta Prezıdent Nursultan Nazar­baev­tyń kóregendik, sara saıasa­ty­nyń arqasynda elimiz molshylyq pen tynyshtyqta ómir súrip keledi. Ata­larymyz erkindik úshin  talaı ǵasyr alysyp ótse, sol táýel­siz­diktiń jemisin halqymyz kórip jatyr. Burynǵy baılanysyp, qalyp­ta­syp qalǵan ekonomıkalyq qaty­nas­tardyń barlyǵy  birden úzilgen, onyń ústine  josparly ekonomıka­nyń ornyna naryqtyq ekonomıka kelgen 90-shy jyldardyń aýyrly­ǵyn aıtyp jetkizý kóp áńgime. Qaıda barsań da tuıyqqa tirelgen ýaqyt edi. Mine, sondaı kezde ty­ǵyryqtan jol tapqan, alysty kóz­dep jol bastaǵan  Prezıdent Nur­sultan Nazarbaevtyń arqasynda memleketimizdiń júgi aýmaı, kóshin du­rystap ketti. Burynǵy Keńes Oda­ǵy quramyndaǵy  respýblıka­lar­dyń kóbinde  osy qıynshy­lyqqa tótep  bermegendikten, urys-janjaldar,  kún qurǵatpaǵan ereýil­der bolyp jatty. Solardyń birazy áli de tynshyǵan joq. 90-shy jyldardaǵy qıyndyqtar meniń de áli kúnge kóz aldymda. Bir­aq qansha qınalsaq ta, kúnnen-kúnge jaǵdaıdyń túzelip kele jat­qandyǵyn sezetinbiz. 2000 jyly ekonomıkamyz  kádimgideı eńse túzep, eldiń turmysy jaqsara bas­taǵanyn da bilemin. Men táýelsizdik alǵan jyldan bastap Elbasy saıasatyn  qoldap kele jatqan azamattyń birimin. Jyl saıyn totydaı taranyp, qul­py­ryp ósý ústindegi elorda damy­ǵan dúnıe júzi elderiniń nazaryn ózine aýdara bastady. Astana Al­ma­tydan Saryarqa tósine kóshiriledi degende biraz jurttyń bul úderiske kúmánmen qaraǵanyn  da bilemiz. Osyndaı sátte utymdy da batyl sheshim jasaǵan Prezıdent Nur­sul­tan Nazarbaevtyń  erik-jigeriniń myqtylyǵyna ári alysty kóre biletinine tańqalmasqa bolmaıdy. Aınalasy onshaqty  jyldyń ishinde erekshe úlgidegi ásem qala boı túzedi. Barlyq analar sekildi men de balalarymnyń bolashaǵyn kóbirek oılaımyn. Jas urpaqqa aldymen beıbitshilik kerek. Búlinshiligi toq­ta­maı jatqan Qyrǵyzstandaǵy bala­lar qandaı deńgeıde bilim ala alady?  Nursultan Nazarbaevtyń elimizde júrgizip otyrǵan ult saıasaty bárimizdiń de kóńilimizge qonady. Orysy, qazaǵy bar – bárimiz syılastyqpen ómir súrip jatyrmyz. Prezıdentimizdiń “al­dy­men – ekonomıka, sosyn – saıasat” degen ustanymy óziniń ómir­sheńdigin dáleldep berdi. Qazir eńbek etseń – qarnyń toq.  Adam­darǵa jumys bolýy ári  ekono­mı­kany odan ári nyǵaıtý úshin ınves­tısııalyq jobalar júzege asyp jatyr. Eńbekaqy men áleýmettik tólemder ýaqtyly tólenedi. Munan artyq adamdarǵa ne kerek? Nursultan Ábishulyna degen eldiń yqylasy erekshe. Ultyna qaramaı kimnen surasań da “Pre­zı­dentimiz – Elbasymyz aman bol­syn. Elimiz tynysh bolsyn”, de­gendi aıtady. Parlament mundaı zańdy qaramaı turǵanda-aq halyq Prezıdent Nursultan Nazarbaevty  Elbasy dep atady. Onyń  myqty saıasatker ǵana emes, ult kóshbas­shysy ekeni áldeqashan-aq shynaıy moıyndalǵan.  Myna zań eldiń sol  yqylasyn resmı  bekitti. Bul Pre­zı­dent Nazarbaevqa –ýaqyttyń, halyqtyń bergen ádil baǵasy. Qazaqstandyqtardyń mindeti  Prezıdenttiń Joldaýlaryn, saıasa­tyn júzege asyrýǵa qoldan kel­gen­she  úles qosý bolyp tabylady. Ǵaınıjamal BERDALINOVA, “Taza bulaq” qoǵamdyq qorynyń tóraıymy. QOSTANAI. HALYQ MOIYNDAǴAN AQIQAT Prezıdentimiz Nursultan Na­zar­baev memleketimizdi álemdegi damyǵan elderdiń qataryna qosý úshin aıanbaı eńbek etip, kóregen basshyǵa tán bilimdarlyqpen, biliktilikpen halqyn eń qıyn kezeńderden ózi bas bolyp, aman-esen alyp shyǵyp keledi. Elbasy udaıy nazarda ustap otyrǵan memlekettik saıasattyń ná­tı­jesinde Qazaqstanda turatyn ár­bir etnos óziniń tarıhy men rýhanı qundylyqtaryn, salt-dástúrlerin saqtaý men ony damytýda teń quqyqtarǵa ıe bolǵan. Ol elimizdegi dinaralyq jáne etnosaralyq kelisimge ulasyp, tipti halyqtar dostyǵynyń halyqaralyq ǵajaıyp úlgisine aınalýda. Elimizdiń biraýyzdy birligi men baıandy tirligi jolyndaǵy bul ıgi iste Jambyl oblysyndaǵy Mahmut Qashǵarı atyndaǵy uıǵyr etno­má­denı birlestiginiń de úlesi mol. Jýyrda biz oblys ortalyǵynda “Etnos­aralyq jáne konfessııa­ara­lyq kelisim – saıası turaqtylyq pen gúldenýdiń negizi” atty res­pýblıkalyq ǵylymı-praktıkalyq konferensııa ótkizdik. Biz onda jumysymyzdy Qazaqstan etnos­ta­ry­nyń rýhanı-mádenı jáne aza­mattyq birligin eskere otyryp, qazaq halqynyń mádenıeti men memlekettik tiline basymdyq bere otyryp júrgizdik. Elbasymyz bizge árbir isti bas­taý men ony tııanaqty aıaqtaý úl­gi­sin jáne atqarylatyn kez kelgen ońdy iske saıası turaqtylyq, ózara senimdilik pen tózimdilik kepil bola alatyndyǵyn óziniń syndarly saıasatymen kórsetýde. Sondyqtan biz Qazaqstandy, Qazaq halqyn jáne Elbasyn maqtan tutamyz. Qazaqstannyń Tuńǵysh Prezıdenti Nursultan Nazarbaev – bizdiń shyn mánindegi Kóshbas­shy­myz. Al Parlament Senatynyń Tór­aǵasy Q.Toqaevtyń, Parlament Májilisiniń Tóraǵasy O.Muhamed­janovtyń jáne Premer-Mınıstr K.Másimovtiń qoldary qoıylǵan zańdarǵa kelsek, ol halyq moıyn­daǵan sol aqıqatty qaǵaz júzinde be­kitý dep bilemiz. Mahabbat TURDIEVA, Jambyl oblysy boıynsha Mahmut Qashǵarı atyndaǵy uıǵyr etnomádenı birlestiginiń tóraıymy. Jambyl oblysy.