Foto: gov.kz
Mınıstrdiń málimdeýinshe, 16,7 mln gektardan dándi jáne burshaqty daqyldar jınalyp, 26,5 mln tonna astyq bastyrylǵan.
Ortasha ónimdilik gektaryna 16 sentnerdi quraǵan. Aıdarbek Saparov bul ótken jylǵy kórsetkishterden joǵary ekenine nazar aýdardy. Negizgi astyq egetin óńirlerdiń ishinde Soltústik Qazaqstan oblysynyń dıhandary mol ónim alǵan. Ońtústik óńirlerde ónimdilik boıynsha joǵary kórsetkishter Qyzylorda, Túrkistan jáne Jetisý oblystarynynyń sharýalaryna tıesili.
Mınıstr osy kúzdegi qolaıly aýa raıyna baılanysty astyq shyǵynsyz jınalǵanyn málimdedi.
«Mol ónim alýǵa aýa-raıynyń qolaıly bolýy, agrotehnologııalardy durys qoldaný da sep boldy. Dıhandardyń sapaly tuqymdardy paıdalanyp, mıneraldy tyńaıtqyshtardy qoldanýyna, ósimdikterdi tıimdi qorǵaýyna jaǵdaı jasaldy», dedi Aıdarbek Saparov.
Úkimet otyrysynda dándi daqyldardy jınaý naýqany aıaqtalyp, tek júgeri dánin jınaý jalǵasyp jatqany belgili boldy.
