Foto: alashinfo.kz
Qazaqstannyń astyq boıynsha eksporttyq áleýeti 12 mln tonnaǵa baǵalanyp otyr. Onyń 7,5 mln tonnasy bıdaıǵa, 1,4 mln tonnasy arpaǵa, 300 myń tonnasy júgerige tıesili. Maıly daqyldar boıynsha áleýet 1 mln tonnadan asady.
«Qazaqstan Ortalyq Azııa elderi men Aýǵanstan naryǵyna astyq jetkizýdi jalǵastyrady. Bul shamamen 4,2 mln tonna. Jalpy, Qytaıǵa astyq eksporty 2023 jyly 1,43 mln tonnany qurap, jylyna 5,5 ese ósim kórsetti», dedi Qaırat Tórebaev.
Sondaı-aq, vıse-mınıstr Qytaıǵa bıdaı eksporty ótken jylǵy kórsetkishten 15 ese artqanyn atap ótti. 2023 jyly Qytaıǵa jóneltilgen bıdaı 538,8 myń tonnany quraǵan.
«Bul Qytaı men Azııa elderine 1,6 mln tonnaǵa deıin bıdaı jetkizý múmkindigi bar ekenin kórsetedi. Qytaı organdarynyń talaptaryna baılanysty shekarada kidiris máselesin, sondaı-aq Qytaıdaǵy bizdiń eldiń astyq ımportyna lısenzııalar men kvotalar sııaqty kúrdeli sharttardy pysyqtaý mańyzdy», dedi Qaırat Tórebaev.
Spıker jahandyq suranystyń artýy jáne birqatar elde ónimdiliktiń tómendeýine Italııa, Latvııa, Ispanııa sııaqty Eýropalyq Odaq elderiniń naryǵyn da qamtý múmkindigin de qarastyrý utymdy bolatynyn eskertti.
