Foto: «Qazaeronavıgasııa» RMK baspasóz qyzmeti
16 qazanda Ystanbulda resmı qol qoıý rásimi ótti, oǵan uıymnyń barlyq músheleri: Tájikstan, О́zbekstan, Qyrǵyzstan, Túrkııa jáne Ázerbaıjan qatysty. SOCEA halyqaralyq aeronavıgasııalyq yntymaqtastyq platformasy ushý qaýipsizdigin qamtamasyz etýdiń óńirlik strategııasyn ázirleý, ANQK arasyndaǵy yntymaqtastyqty damytý, ÁQU qaýipsizdigin baqylaý júıesin tıimdi engizýge járdemdesý, ushý qaýipsizdigin basqarýda táýekelge baǵdarlanǵan tásildi qoldaný, áýe kóliginiń turaqty damýyn qoldaý úshin halyqaralyq standarttardy engizý, ÁQU salasyn sıfrlandyrý jáne áýe keńistigin neǵurlym tıimdi paıdalaný maqsatynda qurylǵan.
SOCEA-ǵa múshelik áýe qozǵalysy kólemin ulǵaıtýǵa, óńirdegi áýe qozǵalysy qaýipsizdigin basqarý júıesin tıimdi engizýge, óńirlik deńgeıde ushý qaýipsizdigin basqarý úshin táýekelderdi baǵalaý tásilderin qoldanýǵa, sondaı-aq salany sıfrlandyrý prosesin jańǵyrtý men standarttaýǵa járdemdesýge yqpal etedi.
«SOCEA músheligi óńirlik seriktestermen yntymaqtastyq jáne áýe qozǵalysyn basqarý salasynda ozyq tájirıbe almasý úshin strategııalyq múmkindik bolyp tabylady. Biz óz tájirıbemizben bólisip, búkil óńirdegi áýe keńistiginiń qaýipsizdigi salasynda jańa jetistikterge jetý úshin birlesip jumys isteý múmkindigin asyǵa kútemiz», dedi «Qazaeronavıgasııa» RMK bas dırektorynyń orynbasary Jeńis Aýǵalıev
Aıta keteıik, aeronavıgasııalyq qaýipsizdikti úılestirý boıynsha óńirlik platforma (SOCEA) 2023 jylǵy 18 tamyzda «Azerbaıdjanskıe avıalınıı» ZAO (AZAL) men Túrkııa memlekettik áýejaılarynyń bas basqarmasy (DHMI) arasyndaǵy kelisimniń nátıjesinde qurylǵan.
