Foto: Ashyq derekkóz
«City Transportation Systems» JShS málimetinshe, №503 ekspress-baǵdar «Astanaınert» jáne «Nurly Jol» temirjol vokzalyn baılanystyrady. Ol «Agroqalashyq» TA kóliktik qyzmet kórsetýdi jaqsartýǵa jáne qoldanystaǵy №№20, 33 baǵdarlar júktemesin azaıtýǵa múmkindik beredi. «Nurly jol» TJ vokzalymen tikeleı baılanysty qamtamasyz etedi jáne «Aspan bazar» SÚ, «Eýrazııa» SO, «Orbıta» SÚ jáne «Samal», «Jastar» shaǵyn aýdandary sııaqty negizgi tartý núktelerin qamtıdy. Baǵdarǵa 10 avtobýs qyzmet kórsetedi.
№504 ekspress-baǵdar «I. Jansúgiruly kóshesi» men «Jaǵalaý» TK jalǵaıdy. Baǵdar «Jaǵalaý» shaǵyn aýdanyna kóliktik qyzmet kórsetýdi jaqsartady, №7 qalalyq emhanamen tikeleı baılanysty qamtamasyz etedi jáne №29, 29A, 42, 49, 51, 61 baǵdarlar júktemesin azaıtýǵa múmkindik beredi. «Saad» BO, «Kerýen» SOO, Kardıohırýrgııalyq klınıka jáne basqa da mańyzdy núktelerdi qamtıdy. Baǵdarda 8 avtobýs júredi.
№ 505 ekspress-baǵdar «Yryskeldi qajy meshiti» men «Otaý» TK baılanystyrady. Baǵyt E.Serkebaev kóshesine kóliktik qyzmet kórsetýdi qamtamasyz etedi jáne №№ 5, 8, 9 jáne 13 baǵdarlar júktemesin azaıtady. Ol «Gúljan» SÚ, «Jannur» SO, №2 balalar aýrýhanasyna jáne basqa da negizgi núktelerge qyzmet kórsetedi. Baǵdar boıynsha 8 avtobýs júredi.
Endi qalada 5 ekspress-baǵdar jumys isteıdi: № 501, № 502, № 503, № 504, № 505.
Eske sala keteıik, 6 qazannan № 501 jáne № 502 ekspress-baǵdarlar iske qosylǵan edi. Osy ýaqyt ishinde olar 53 828 jolaýshyny tasymaldaǵan. Olardyń jumysy jyldam ári jaıly saparlar, jol júrý ýaqytyn azaıtýǵa jáne elordada jolaýshylar tasymalynyń sapasyn arttyrýǵa baǵyttalǵan.
Jol júrý quny – 250 tg. Mektep jáne jeńildikti kólik kartalary jaramdy. Avtobýstardyń qozǵalysyn «Avtobys», 2GIS jáne Iаndeks Karty qosymshalary arqyly baqylaýǵa bolady.
