Qaltqysyz senim tanytyldy

Burynǵy talaı saılaýdyń da kýásimin. Onda da tol­­qyǵanmyn, tebiren­­genmin. Al bul jol­ǵy saılaýdyń jóni múlde bólekteý bol­dy. Tań sáriden taı­ly-taıaǵymen saılaý ýchaskelerin­de kezekke turǵan jurt­shylyqty jetelegen ne qudiret?! Menińshe, olardy jetelegen – bolashaqqa degen senim. Beıbit kúnge, bereke-birlikke, yntymaqty tirlikke degen tolassyz úmit. Júregime uıalaǵan osy bir senim meni de tańsáriden saılaý ornyna jeteledi. Daýys qaǵazyn qolyma ustap turyp, Elbasy basqaryp otyrǵan elimizdiń ótken jolyn kóz aldymnan ótkizgendeı boldym. Aıtyp taýysa almas jetistikterdiń bári Prezıdent uıystyrǵan jeńisterdiń jemisi. Basqasyn qoıa turyp, kóp qasiretti basynan ótkizgen qazaq tiliniń óziniń eńseli bıigine kóterile tú­­sýine ja­sa­ǵan per­zenttik eń­be­giniń ózi nege turady. Elbasynyń el basqarýdaǵy aı­ryq­sha talanty men eńbekqorlyǵyna el­diń kózi ábden jetken. Sondyqtan da el óziniń bolashaǵyn on oılap, júz tolǵap baryp, Nursultan Ábishulynyń qolyna kúmánsiz tapsy­ryp otyr. Qazaqtar ǵana emes, búkil qa­zaqstandyqtar da Elbasyna qalt­qysyz senetinin tanytty. Ár­daıym aman bolǵanyn tiledi. Ana tilin óziniń ar-uıatyna balaıtyn Halyqaralyq «Qazaq tili» qoǵamynyń mıllıonǵa tarta múshesiniń de tilegi osy. О́mirzaq AITBAIULY, Halyqaralyq «Qazaq tili» qoǵamynyń prezıdenti, akademık.