«Ulttyq kitap» qaı kitap?

Atalǵan baıqaý kitap oqý mádenıetin qalyptastyrý, úzdik avtorlardy anyqtap, qazaq ádebıetiniń, rýhanııatynyń damýyna yqpal etip, aýdarmashylardy, baspagerler men kitap dızaınerlerin qoldaý jáne yntalandyrý maqsatyn kózdeıdi.

Júldeden úmitti jumystar 2025 jylǵy 15 qańtar – 1 sáýir aralyǵynda qa­byldanady. Konkýrsqa keıingi eki jylda jaryq kórgen týyndylar ǵana qatysa alady. Qabyldaý merzimi aıaq­tal­ǵannan keıin túsken jumystar tirkelmeıdi.

Baıqaýda 10 atalym bar: «Balalarǵa arnalǵan úzdik kitap», «Úzdik komıks», «Non fıkshn baǵytyndaǵy úzdik kitap», «Detektıv janryndaǵy úzdik kitap», «Satıra janryndaǵy úzdik kitap», «Úzdik ıllıýstrasııalyq kitap», «Úzdik aýdarma kitaby», «Fantastıka janryndaǵy úzdik kitap», «Úzdik bas­pa», «Jyl kitaby» (Gran-prı syılyǵy).

Dodaǵa qatysatyn jumys kór­kemdik deńgeıi, til tazalyǵy, sózdik qory, ózindik stıl, taqyryp ózektiligi, maz­mun tereńdigi, tarıhı ádildigi, óndi­ristik sapanyń joǵary bolýy, dızaı­nerlik jumystyń ereksheligi sııaqty talaptarǵa saı kelýi kerek.

Aıta ketsek, elimizde Úkimet Qaý­lysymen 23 sáýir «Ulttyq kitap kúni» merekesi bolyp bekitildi. Bul mereke­lik data Memleket basshysynyń qoǵamda joǵary kitap oqý mádenıetin qalyp­tastyrý maqsatynda úshinshi Ulttyq qu­ryltaıdyń negizgi otyrysynda bergen tapsyrmasymen engizildi.