Foto: Vıdeodan alynǵan kadr
Prezıdent Qasym-Jomart Toqaev sondaı-aq BRIKS-tiń damýǵa zor áleýeti bar ekenin jáne barlyq qatysýshylardyń ıgiligi úshin yntymaqtastyqty nyǵaıtyp, birlesken múmkindikterdi tıimdi paıdalana otyryp, ártúrli kontınentterdiń memleketterin biriktiretinin atap ótti.
«BRIKS damý turǵysynan mol áleýetke ıe jáne túrli qurlyqtaǵy memleketterdi biriktiredi. Sondaı-aq yntymaqtastyqty nyǵaıtyp, ortaq resýrstardy barlyq qatysýshynyń ıgiligine tıimdi paıdalanady. О́zara qurmet pen seriktestik, birlese órkendeý qaǵıdattaryna negizdelgen keleshektiń irgesin qalaýǵa BRIKS-tiń tájirıbesi de, múmkindigi de jetedi», dedi Memleket Basshysy.
Eske sala keteıik, 22-24 qazan aralyǵynda Qazanda BRIKS-ke múshe elderdiń sammıti ótip jatyr. Is-sharaǵa Úndistan Premer-Mınıstri Narendra Modı, Ońtústik Afrıka Respýblıkasynyń Prezıdenti Matamela Sırıl Ramafosa, Efıopııa Premer-Mınıstri Abı Ahmed, Mysyr Prezıdenti Abdel Fattah ál-Sısı, Qytaı Tóraǵasy Sı Szınpın, Túrkııa Prezıdenti Rejep Taıyp Erdoǵan syndy birneshe memlekettiń basshylary qatysyp jatyr.
