Eńseli balabaqsha úsh qabatty, jalpy aýmaǵy úsh myń sharshy metrdi quraıdy. Onda balalardyń zaman talabyna saı jan-jaqty damýyna barlyq qolaıly jaǵdaı týǵyzylǵan. Keń de jaryq ashana, mýzyka, dene shynyqtyrý zaldary bar. Munda balalardyń damýynyń deńgeıin eskere otyryp, tolymdy, jan-jaqty yqpal jasaıtyn bilikti mamandar jumys isteıtin bolady. Sóz arasynda Nurlykósh eldi mekeninde kileń qandastar turatyndyǵyn, osy aýdandaǵy tuńǵysh mekemeniń paıdalanýǵa berilgendigin aıta ketkenniń artyqtyǵy bolmas.
– Balabaqsha aýyl turǵyndaryna óte qolaıly, – dep atap ótti oblys ákimi Marat Ahmetjanov. – Elimizdiń erteńin kórkeıtetin balalarǵa osyndaı jaqsy jaǵdaı týǵyzý bizdiń mindetimiz. Jańa balabaqshanyń ashylýy – aýyldyq jerlerde bilim júıesin damytýdyń mańyzdy qadamy. Mundaı jobalar mektepke deıingi mekemelerdiń qoljetimdiligin qamtamasyz etedi.
KО́KShETAÝ
