22-23 qazan kúnderi Jezqazǵan qalasyndaǵy Ulytaý oblysynyń «Amanat» partııasynyń fılıalynyń májilis zalynda Qazaqstan Respýblıkasy Mádenıet jáne aqparat mınıstrliginiń Din isteri komıtetiniń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti.
Sharaǵa «Din zertteý ortalyǵynyń», meshitterdiń, orta jáne joǵary oqý oryndarynyń jáne t.b mamandary, ımamdary, psıhologtary men teologtary qatysty.
Jıynda din máseleleri boıynsha túsindirý tobynyń músheleri – «Qaraǵandy oblysy din isteri basqarmasynyń Qaraǵandy oblysy konfessııaaralyq qatynastarynyń problemalaryn zertteý jáne taldaý ortalyǵy» KMM aqparattyq-túsindirý, taldaý jáne qarsy nastıhattaý jumysy bóliminiń basshysy Dalabaeva Gýlnar Bakenqyzy jáne áleýmettaný ǵylymdarynyń kandıdaty Jaqııanov Talǵat Járdemqululy semınar oqydy.
Dalabaeva Gýlnar Bakenqyzy «Vajnost krıtıcheskogo myshlenııa v jıznı kajdogo cheloveka» taqyrybynda jalpy teorııalyq aqparat berip, qatysýshylarmen jumys jasady. Sondaı-aq, «Sosıalnye setı kak odın ız resýrsov ınformasıonnogo protıvodeıstvııa rasprostranenııý radıkalnoı ıdeologıı» taqyrybynda qatysýshylarǵa psıhokorreksııalyq jumysta qoldanylatyn tulǵany zertteý ádisterin túsindirdi.
Jaqııanov Talǵat Járdemqululy «Zaıyrlylyq qoǵamdyq kelisim men turaqtylyqtyń negizi retinde» taqyrybymen qatysýshylarǵa jastar arasyndaǵy táýekel toptaryn anyqtaý úshin profaılıng tehnıkasyn, ıaǵnı, qylmys jasaýǵa daıyn turǵan tulǵanyń syrtqy kelbetine, mımıkasyna, júris-turysyna qarap qalaı anyqtaýǵa bolatynyn túsindirdi. Sondaı-aq, «Qazaqstandaǵy dinı ahýal: problemalar men tendensııalar» taqyrybymen Qazaqstandaǵy dinı jaǵdaılardy túsindire otyra, oǵan qatysty kúrdeli suraqtarǵa jaýap berý ádisterin úıretti.
Sonymen qatar, semınar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar alyndy.
