Aqtóbe oblysynda jyl saıyn mektep jasyndaǵy oqýshylar sanynyń artýynan mektepterde oryn tapshylyǵy joıylmaı tur. Máselen, bıylǵy oqý jylynda oqýshylar sany byltyrǵyǵa qaraǵanda 5 myńǵa ósken. Bala sanynyń artýy jańa mektepterdiń salynýyn qajet etedi.
«Osy jyly 4 820 orynǵa laıyqtalǵan 22 mekteptiń qurylysyn salýǵa bıýdjetten 10 mıllıard teńge bólindi. Odan ózge Aqtóbe qalasynda «Jaıly mektep» ulttyq jobasymen toǵyz bilim ordasy salynbaqshy. Bul óz kezeginde mektepterdegi oryn tapshylyǵyn azaıtady», dedi óńir basshysy Ashat Shaharov mekteptiń ashylý saltanatynda.
«Qyzyljar turǵyndary jańa mekteptiń ashylǵanyna óte qýanyshty. О́ıtkeni, balalarymyz jaqsy jaǵdaıda oqıdy jáne sapaly bilimge qol jetkizedi. Muny júzege asyrýǵa kómektesken azamattarǵa alǵysymyz sheksiz. Elimiz gúldenip, beıbitshilik pen kelisimde ómir súreıik, balalarymyz jetistikterimen qýanta bersin», deıdi Qyzyljar turǵyny, bilim salasynyń ardageri Naıman Tuńǵyshbaıqyzy.
Aıta ketý kerek, sońǵy bes jylda Aqtóbe qalasynda 9 490 orynǵa laıyqtalǵan 20 jańa mektep paıdalanýǵa berildi.
