Shyndyq árqashanda jeńedi

Bıylǵy saılaýda keleshekten, jaqsylyqtan úmiti bar kez kelgen azamat elimizdi, qazaq jurtyn tórtkúl dúnıege tanytyp, jıyrma jyldan asa óziniń basqarý júıesimen, basqarý talantymen moıyndalǵan óz Prezıdenti Nursultan Ábishulyn tańdady dep oılaımyn. Sondyqtan da Nursultan Nazarbaevqa otbasymyzben daýys berdik. Men ol kisini álemdik deń­geıdegi basshy dep esepteımin. Eger bizdiń elimiz osy jolmen, osy baǵytpen kete berse, qaı jaǵynan da jaman bolmaspyz. Ásirese, eldegi tynyshtyqty aıtsańyzshy. Tipti, jaı ǵana otbasyńda ty­nyshtyq bolmasa, berekeń ketpeı me. Al búkil bir eldiń ty­nysh­tyǵyn, bereke-birligin saqtaý – ol sol eldi basqaryp otyrǵan basshysynyń júrgizetin saıasatyna tikeleı baılanys­ty. Osy retten kelgende bizdiń eli­mizdiń baǵy jandy. Nurekeń bir ulttyń qabaǵyna kóleńke túsirmeı, bir ulysty bóten kórmeı óz halqymen birdeı teń ustap otyr. Bul kóregendigi, kósheliligi, aqyl-parasattylyǵy. Qarańyzshy, búgingi kúnniń raıy, halyqtyń kóńil-kúıi qandaı kóterińki. Kóshede ótip jatqan merekelik is-sharalar – bári halyqqa kerek. Ásirese, shyǵarmashylyq adamdaryna shabyt beretin jaqtary kóp. О́ıtkeni, adam kóp nárseni kóńil-kúıge baılanysty jasaıdy. Ony ózim ańǵaramyn. Keıde spektaklge oınaýǵa barǵanda kóńil-kúıiń buzylyp barsań, báribir syr beresiń. Al kóńil-kúıiń kóterińki bolsa, taýdy aýdaryp tastaýǵa deıin shamań bolady. Bir bolǵan oqıǵa bar deıdi. Bes jasar qyz úlken aýyr júk kóliginiń astyna túsip qalyp, «mama!» dep aıǵaılaǵanda, anasy sondaı bir kúshpen kólikti aýdaryp jibergen ǵoı. Sıqyrly kúsh degenimiz osy shyǵar. Bul ras bolýy kerek. Men oǵan senemin. Biz – shabyttyń adamymyz. Adamnyń shamasynan tys kúshi bar. Sol kúsh Nursultan inimde paıda bolsyn. Sondaı kúshpen jumys isteıdi dep sengendikten oǵan daýys berdim. Bul – meniń shyn júrekten shyqqan sózim. Shynymdy aıtyp otyrmyn. О́ıtkeni, shyndyq jeńedi. Asanáli ÁShIMOV, Qazaqstannyń halyq ártisi.