Qostanaı oblystyq sotynyń baspasóz qyzmetiniń málimetinshe, N. esimdi azamat turǵyn úıge kezekke qoıý merzimin túzetý úshin Qostanaı qalasy ákimdigine qatysty talap-aryz bergen. Ata-anasynyń qamqorlyǵynsyz qalǵan azamat ınternat mekemesi tarapynan turǵyn úı kezegine kesh qoıylǵanyn málimdegen.
Talapkerdiń kezekke alyný merzimi 2013 jyl bolǵanymen, sol kezdegi qoldanystaǵy zańnama boıynsha ol bul quqyqty 2009 jyldyń shildesinen bastap ala alatyn edi. Sot talqylaýyna daıyndyq barysynda taraptarǵa medıatıvtik kelisim jasasý usynyldy jáne olar bul usynysty qabyldady.
Tobolinfo.kz saıtynyń dereginshe, medıatıvtik kelisimge sáıkes, jaýapker ákimshilik talapqa saı azamattyń turǵyn úı kezegine qoıý merzimin túzetýge mindetteme aldy.
