Aıdyń ekinshi jartysynda aıazdy aýa raıy bolady. Sýyq aýa massalary engen kezde termometrlerdiń baǵandary eń sýyq kúnderde tómendeıdi:
- respýblıkanyń soltústiginde, ortalyǵynda jáne shyǵysynda túngi ýaqytta -15-24°S deıin, kúndiz -7-12°S deıin;
- batysta jáne eldiń ońtústik jartysynda túnde -3-15°S deıin, kúndiz 0,-7°S deıin.
Sýyq kúnderdiń ornyna Orta Azııa men Jerorta teńizinen jyly aýa massalarynyń kelýi áserinen kúndiz jyly bolady:
- respýblıkanyń basym bóliginde +3+8°S deıin;
- ońtústik jartysynda +8+15°S deıin.
Jalpy, qarashada aýa temperatýrasy respýblıkanyń basym bóliginde norma shamasynda, qıyr batysta – 1° normadan joǵary, eldiń ońtústik, ońtústik-shyǵysyndaǵy taýly jáne taý bókterindegi aýdandarda – 1° normadan tómen bolady dep kútilýde (Túrkistan, Jetisý oblysy, Shyǵys Qazaqstan, Abaı oblysynda, Jambyl jáne Almaty oblystarynyń ońtústiginde).
Qarasha aıynda jaýyn-shashyn mólsheri Qazaqstan aýmaǵynyń basym bóliginde norma shamasynda, soltústik-batys jáne soltústik-shyǵys jartysynda normadan kóp (Batys Qazaqstan, Pavlodar oblystarynda, Atyraý jáne Aqtóbe oblystarynyń soltústik-batysynda, Soltústik Qazaqstan, Aqmola oblystarynyń shyǵysynda, Shyǵys Qazaqstan jáne Abaı oblystarynyń qıyr soltústiginde), eldiń ońtústik óńirlerinde - normadan az bolýy boljanady (eldiń ońtústik jartysynda jáne Qaraǵandy men Ulytaý oblysynyń qıyr ońtústiginde).
