Foto: ult.kz
Eńbek jáne halyqty áleýmettik qorǵaý mınıstrliginiń málimetinshe, qazirgi tańda elimizde ShJK paıdalanatyn 1 799 jumys berýshi bar. Olarda 390,2 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96,6 paıyzyn quraıdy.
«Ekonomıkalyq qyzmet túrleri boıynsha eń kóp jumys isteıtinder qurylys salasynda – 5 144 adam, aýyl, orman jáne balyq sharýashylyǵy – 1 638 adam, ákimshilik jáne kómekshi qyzmetter – 1 439, óńdeý ónerkásibi – 1 376 adam, taý – ken ónerkásibi jáne karerlerdi qazý – 1 344 adam. Eńbek mıgranttary keletin negizgi elder: Qytaı – 4 600 adam, О́zbekstan – 1 698 adam, Túrkııa – 1 145 adam, Úndistan – 1 101 adam», delingen habarlamada.
Aıta keteıik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi. 2024 jyly jalpy kvota respýblıkadaǵy jumys kúshiniń sanyna qatysty 0,23% nemese 21,5 myń birlik mólsherinde belgilendi.
