Foto: IIM
Mınıstr bul aqparatty Májilis depýtattarynyń saýalyna bergen jaýabynda jarııalady.
«Talǵar qalasynda bolǵan Sh.Bolattyń ólimine qatysty Almaty oblysynyń Polısııa departamenti Qylmystyq kodeksiniń 99-babynyń 2-bóligi (adam óltirý), 293-babynyń 3-bóligi (buzaqylyq), 115-baby (qorqytý), 432-baby (qylmysty jasyryp qalý) jáne 434-babymen (qylmys týraly habarlamaý) qylmystyq ister tirkelip, tergelip jatyr», delingen mınıstrdiń jaýabynda.
Erjan Sadenov qylmystyq istiń tergelý barysyn óz baqylaýyna alǵanyn aıtyp, oqıǵa ornynda mınıstrliktiń ortalyq apparatynyń qyzmetkerleri de jumys istep jatqanynan habardar etti.
«Alǵashqyda oqıǵanyń sebebine qatysty áleýmettik jelilerde shyndyqqa janaspaıtyn ártúrli málimetterdiń taralýyna baılanysty mınıstrlik belgilengen tártipte (Qylmystyq prosestik kodeksiniń 201-babynyń talaptaryna saı) osy jyldyń 15 qazanynda BAQ ókilderiniń qatysýymen brıfıng ótkizip, keıbir tergeý málimetterin jarııa etti. Brıfıng qoǵamdy alańdatqan keıbir máselelerdi qamtydy. Qazirgi tanda qasaqana kisi óltirýge qatysty kúdikpen 8 adam jáne qylmys týraly habarlamaý boıynsha 3 adam sottyń sanksııasymen qamaýǵa alyndy.
Tergeý amaldary jalǵasyp jatyr, onyń barysynda oqıǵa bolǵan jerde bolǵan basqa da adamdardyń qatystylyǵy tekserilip, áreketterine quqyqtyq baǵa beriledi», delingen mınıstrdiń jaýabynda.
