Oraldaǵy «Iýnost» stadıony jasandy muzben jabdyqtalady

ORAL. 15 maýsym. Batys Qazaqstan oblysynyń ortalyǵy – Oral qalasyndaǵy «Iýnost» stadıonyna quny 1,95 mln. dollardy quraıtyn jasandy muz tóseledi. Bul týraly oblystyq sport bóliminiń basshysy mindetin atqarýshy Dáýren Muqanovtyń sózine silteme jasaǵan egemen.kz tilshisi habarlady. «Qazir joba daıyndalý ústinde. Sodan keıin memlekettik komıssııa tekseredi. Bul jumys Qarashyǵanaq Petroleým Opereıtıng kompanııasynyń áleýmettik baǵdarlamalary aıasynda júzege asady. Jospar boıynsha qurylys jumystary 1 tamyzda bastalyp, qazan aıynda aıaqtalýy tıis. Eger jobany memlekettik komıssııa maquldasa barlyǵyn ýaqytynda aıaqtaýǵa múmkindik bar. Jasandy muz +10 gradýsqa deıin erimeıdi. Ázirge jumysty júrgizetin merdigerler belgisiz. Olar tıisti baıqaý ótkizgennen keıin anyqtalady», – dedi Dáýren Muqanov. Al «Aqjaıyq» hokkeı komandasynyń dırektory Azamat Shaıhynyń aıtýynsha, bul jańalyq jergilikti hokkeıshilerge erekshe áser etken. «Bizder bul jańalyqty zor qýanyshpen qabyldadyq. Joba jumystary osy aptada aıaqtalýy tıis. Muzdyń kólemi 110h70 metr bolady. Mundaı aıdynda halyqaralyq jarystardy da ótkizýge bolady», – dedi ol. Temir Qusaıyn. Derek: egemen.kz. Sýret: mgorod.kz.