Palata tóraǵasy qazaq halqy táýelsizdigin eń alǵash tanyǵan memleket retinde Túrkııany erekshe qadirleıtinin atap ótti.
– Byltyr ǵana tamyrlas eldiń ǵasyr toıyn ózderińizben birge atap ótken edik. Bıyl da bul ıgi dástúr jalǵasyn taýyp jatyr, – dedi E.Qoshanov.
Bıyl eki el arasynda Dostyq jáne yntymaqtastyq týraly kelisimge qol qoıylǵanyna 30 jyl tolyp otyr.
– Bizdiń dostyǵymyzdyń tamyry budan da tereńde jatyr. Sanǵasyrlyq ortaq tarıhymyz, mádenı-rýhanı sabaqtastyǵymyz soǵan kýá. Sol ekijaqty qarym-qatynas, babalarymyz salyp ketken sara jol jyl ótken saıyn jandanyp, yntymaǵymyz órlep, órkendep keledi. Qazirgi tańda Qazaqstan men Túrkııa arasyndaǵy yntymaqtastyq keńeıtilgen strategııalyq áriptestik deńgeıine jetti. Oǵan bizdiń elderimizdiń kóshbasshylary Qasym-Jomart Toqaev pen Rejep Taııp Erdoǵannyń arasyndaǵy myzǵymas dostyq berik negiz ári qazaq-túrik qarym-qatynasyn jańa deńgeıge kóterýge zor septigin tıgizip jatyr, – dedi Palata tóraǵasy.
Májilis spıkeri strategııalyq seriktestiktiń erekshe qarqyn alýynda qazaq-túrik parlamentaralyq yntymaqtastyǵynyń eńbegi mol ekenine nazar aýdardy. Buǵan bıyl mamyr aıynda Túrkııa Uly Ulttyq Májilisiniń tóraǵasy Nýman Kýrtýlmýshtyń Qazaqstanǵa resmı sapary serpin berdi.
E.Qoshanov eki eldiń zań shyǵarýshy organdary memleket basshylarynyń ýaǵdalastyqtaryn qarqyndy iske asyrýǵa belsene atsalysatynyn aıtty.
Sonymen qatar 2024 jyly Túrki memleketteri uıymyna 15 jyl tolady. Májilis tóraǵasy osy aıtýly datamen de quttyqtap, baýyrlas halyqtarǵa baq-bereke tiledi.
