Elimiz boıynsha pitir sadaqa jan basyna 200 teńge bolyp bekitildi

ASTANA. 16 maýsym. Bıyl pitir sadaqa elimiz boıynsha jan basyna 200 teńge bolyp bekitildi. Bul týraly Qazaqstan musylmandary dinı basqarmasynyń naıb múftıi, «Nur Astana» ortalyq meshitiniń bas ımamy Naýryzbaı qajy Taǵanulynyń málimdemesine silteme jasaǵan «QazAqparat» habarlady. «Pitir sadaqany ramazan aıynyń basynan aıt namazyna deıin berýge bolady. Bıyl pitir sadaqa elimiz boıynsha jan basyna 200 teńge bolyp bekitildi», – dedi naıb múftı. Sonymen qatar, ol Astana qalasyndaǵy barlyq meshitter Ramazan aıyna qoldan kelgenshe daıyndalyp jatqany aıtty. «Áziret Sultan» jáne «Nur Astana» meshitteri 400-500 adamǵa arnalǵan aýyzsharlar uıymdastyrady. Odan bólek, árbir meshit óz deńgeıinde qaıyrymdylyq sharalarymen aınalysatyn bolady. Bul shara negizinen qarttar úıine, jetimder úıine, bolmasa, kóp balaly úılerge baǵyttalady. Sondaı-aq, qatty syrqat, biraq emine qarajat jetpegen jandarǵa kómektesý de josparda bar», – dedi Naýryzbaı qajy Taǵanuly. Aıta keteıik, bıyl qasıetti ramazan aıy 18 maýsymda bastalady. Talǵat Raıymbek. Derek: «QazAqparat». Sýret: ihsan.kz.