Sýret: krmm.kz
Jıyn barysynda Ulttyq testileý ortalyǵynyń dırektory Bolatbek Ábdirásilov UBT-nyń 20 jyldyq tarıhyndaǵy ataýly jetistikter men mańyzdy jobalardy tanystyrdy.
«2004 jyly engizilgen osynaý testileý júıesi mektep bitirýshileriniń bilimin baǵalaýǵa degen kózqarasty túbegeıli ózgertip, joǵary oqý oryndaryna túsýdiń negizgi tetigine aınaldy. Eki onjyldyq ishinde UBT zamanaýı tehnologııalar men ǵylymı tásilderge negizdelgen elimizdegi oqytýdyń ajyramas bóligine aınaldy. Dál osy testileý júıesi burynǵy formatta jalǵasa beredi. Biraq suraqtardyń mazmunyn ózgertip, ashyq testileýden ótýimiz kerek. О́ıtkeni UBT oqýshynyń bilimin ǵana baǵalaıdy. Biraq munymen shektelmeı, balalardyń basqa da qabiletterin anyqtaýymyz qajet. Balalarymyzǵa qajetti aqparatty izdeýge, ony praktıkalyq maqsatta paıdalanýǵa úıretýimiz kerek. UBT oqýǵa túsý quraly ǵana bolmaı jumysta, ǵylymı salada da qoldansa deımiz. Jahandyq emtıhan salasynyń mamandarymen aqyldasyp, bilim men qabiletti anyqtaýdyń ozyq tustaryn talqylaý – búgingi jıynnyń basty maqsaty», dedi Bolatbek Serikbaıuly.
Is-shara barysynda AQSh, Reseı, Túrkııa, О́zbekstan, Qyrǵyzstan elderindegi emtıhan ortalyqtarymen ózara yntymaqtastyqty qoldaý men damytýǵa baǵyttalǵan memorandýmdarǵa qol qoıyldy. Sonymen qatar kezdesýde halyqaralyq sarapshylar bilim nátıjesin jasandy ıntellekt arqyly baǵalaý, oqytýdyń sapasyn arttyrý sekildi taqyryptarda pikir almasty.
Ǵylym jáne joǵary bilim mınıstri Saıasat Nurbek konferensııanyń mańyzyn eskere otyryp, bul shyǵarmashylyq ıdeıalardy talqylaýǵa, bolashaqty boljaýǵa, sondaı-aq ozyq bilim men tájirıbe almasýǵa baǵyttalǵan biregeı joba ekenin atap ótti.
«UBT – oqytý úderisiniń mańyzdy bóligi. Jıyrma jyl ishinde Ulttyq biryńǵaı testileý joǵary oqý oryndaryna túsýge qoljetimdilik pen ashyqtyqty qamtamasyz etetin mańyzdy quralǵa aınaldy. Halyqaralyq standartqa saı dál osy júıe ár túlektiń áleýmettik nemese geografııalyq jaǵdaıyna qaramastan, sapaly bilim alýǵa teń múmkindik beredi. UBT degenimiz jaı emtıhan emes, bul – bizge talanttardy anyqtaýǵa, oqýshylardy yntalandyrýǵa, olardyń bilimge degen qushtarlyǵyn arttyrýǵa kómektesetin qural. Jıyrma jyldaǵy mańyzdy úderis – emtıhannyń sıfrlandyrylýy. Endigi mindetimiz – qol jetkizgen nátıjelerdi saqtap qana qoımaı, alǵa qaraı umtylý. О́ıtkeni ýaqyt talabyna saı syn-tegeýringe daıyn bolý óte mańyzdy», dedi mınıstr.
