Tótenshe jaǵdaılar mınıstrligi «Seısmologııalyk zertteý ınstıtýty» JShS seısmıkalyq stansııalar jelisimen 2024 jylǵy 2 qarashada Astana ýaqytymen 10.50-de jer silkingenin tirkedi.
«Jer silkinisiniń oshaǵy Qyrǵyzstan men Qytaı shekarasynda Almaty qalasynan ońtústik-shyǵysqa qaraı 258 km jerde ornalasqan. Eseptik qarqyndylyǵy (ballmen) 2 baldy quraǵan jer silkinisi Almaty oblysy Raıymbek aýdany Narynqol jáne Kegen aýdany Kegen aýyldarynda (taýly aımaqtar) sezilgen», delingen habarlamada.
Zardap shekkender men qıraýlar týraly málimet túsken joq.
Eske sala ketsek, 30 qazan kúni Balqash kóli mańynda jer silkingen.
