ATYRAÝ. 29 sáýir. Atyraý jastary Elbasyn ulyqtaý rásimine fleshmobpen qoldaý bildirdi. Bul týraly egemen.kz tilshisi habarlady.
Prezıdent Nursultan Nazarbaevtyń Atyraýǵa yqylasy erekshe. О́z kezeginde munaıly óńir turǵyndary da memlekettiń saıasatyna udaıy qoldaý bildirip keledi. Ony ótken jeksenbidegi Prezıdent saılaýynda taǵy bir ret dáleldep, azamattyq belsendilik tanytty. Al búgin jas býyn ókilderi Elbasy saıasatyna fleshmob ótkizý arqyly qoldaý bildirdi. Beıbarys sultan alańyna jınalǵan jastar patrıottyq ánder sazyna bıledi. Táýelsiz eldiń kók baıraǵyn beıneledi.
«Biz, jas býyn ókilderi Elbasy saıasatynyń jemisin kórip kelemiz. Elimiz tynysh, ekonomıkamyz órken jaıdy. Alańsyz bilim aldyq. Jumysymyz bar, jalaqymyzdy turaqty alyp turamyz. Keleshekke senimimiz mol, týǵan Otanymyz – Qazaqstan bárinen qymbat. Otanyńa, týǵan jerge jeter jeter el de, jer de joq. Ony eshbir elmen aıyrbastaǵym kelmeıdi. Álem elderi bizdegi turaqtylyq pen birlikke, ekonomıkalyq órkendeý men jańǵyrýǵa qyzyǵyp ta, qyzǵanyp qaraıdy. Munyń bárine Elbasymyz Nursultan Nazarbaevtyń eren eńbegi arqyly qol jetkizdik. Elbasy – bizdegi turaqtylyq pen damýdyń kepili. Sol sebepten, biz Elbasymyzdy árdaıym qoldaımyz» – deıdi qazaqshany erkin meńgergen belsendi jastyń biri Svetlana Lıýbına (sýrette).
Joldasbek Shópeǵul.
Derek: egemen.kz.
Sýret: Rahym Qoılybaev.
