Foto: Ashyq derekkóz
Qulkeevtiń ustalýyna QR Ishki ister mınıstrliginiń baspasóz qyzmeti resmı túsinikteme berdi.
«IIM О́QD jedel-izdestirý is-sharalarynyń nátıjesinde izdeýde júrgen azamat Q. ustalyp, ýaqytsha ustaý ızolıatoryna qamaldy. Ol 2023 jyly teris sebeptermen IIO-dan Qaraǵandy oblysy PD Tergeý basqarmasynyń bastyǵy qyzmetinen bosatylǵan. Ishki ister mınıstrligi óz quramyndaǵy kez kelgen quqyq buzýshylyqqa tózbeýshilik týraly óziniń prınsıpti ustanymyn bildiredi jáne olardy joıý boıynsha jumysty jalǵastyrady», delingen habarlamada.
Qulkeev qylmystyq is aıasynda tárkilengen taý-ken tehnıkasyn urlady degen kúdikke ilingen. Oǵan qatysty Qylmystyq kodekstiń 18-baby «Urlyq» jáne 361-baby «Laýazymyn asyra paıdalaný» boıynsha is qozǵalǵan.
Qulkeevti izdeý týraly habarlama Bas prokýratýranyń quqyqtyq statıstıka jáne arnaıy esepke alý jónindegi saıtynda jarııalanǵan. Ol 2023 jyldyń 1 jeltoqsanynan beri izdeýde bolǵan.
