Foto: Ashyq derekkóz
Oqý-aǵartý mınıstrliginiń málimetinshe, jóndeý jumysy barysynda shatyrlar aýystyrylyp, ǵımarattar men terezelerdiń qasbetteri jańartylǵan. Sondaı-aq ishki ınjenerlik kommýnıkasııalar sý qubyry, káriz, jylytý júıeleri jáne elektr jelileri jóndelip, seısmıkalyq belsendiligi joǵary óńirlerdegi mektepterdi seısmıkalyq kúsheıtýge erekshe nazar aýdarylǵan.
Eske sala keteıik, buǵan deıin mınıstrlik birneshe ret jóndelip jatqan mektepterge oqý-tárbıe prosesiniń buzylýyna jol bermeý jáne ony qaýipsiz uıymdastyrý boıynsha monıtorıng júrgizgen bolatyn.
«Búgingi tańda kúrdeli jóndeýmen qatar, shaǵyn qalalar, aýdan ortalyqtary men aýyldarda jeti baǵyt boıynsha zamanaýı standarttarǵa saı 1000 mektepti jańǵyrtý jumystary júrgizilip jatyr. Jańǵyrtý balalarǵa oqý men tárbıeleý úshin qolaıly jaǵdaı jasaý, materıaldyq-tehnıkalyq jaraqtandyrýdy nyǵaıtý jáne oqý prosesiniń sapasyn arttyrý arqyly qalalyq jáne aýyldyq mektepter arasyndaǵy bilim berý sapasyndaǵy alshaqtyqty azaıtýǵa baǵyttalǵan. Bul jumystyń aıasynda kúrdeli jóndeý, pándik kabınettermen jabdyqtaý, mektep jıhazdaryn jańartý, kitaphanalardy, ashanalardy jáne qaýipsizdik sharttaryn jaqsartý júzege asyrylýda. Búgingi tańda 780 aýyldyq mekteptegi jańǵyrtý jumystary aıaqtaldy», delingen habarlamada.
Sonymen qatar, bıyl 1383 zamanaýı pándik kabınet satyp alynyp, onyń 843-i ornatylǵan.
