ALMATY. 29 sáýir. Qala jastary Astanada ótken Elbasyn ulyqtaý saltanatyna oraı Tuńǵysh Prezıdent saıabaǵynda fleshmob uıymdastyrdy. Bul týraly egemen.kz habarlady.
Igilikti bastamanyń alǵy shebinde turǵan jastar Elbasynyń árqashan da ózderine ıyq súıetinin maqtanyshpen atap ótti. Qyzdar pedagogıkalyq ýnıversıtetiniń 3- kýrs stýdenti Tolǵanaı Bekmuqa Prezıdent saılaýy kezinde ýnıversıtettegi barlyq zamandastarynyń uıymshyldyqpen daýys berip, zor belsendilik tanytqany týraly áńgimeledi.
Prezıdentti ulyqtaý saltanatyn teledıdardan tamashalap bolysymen, jastar flesh-mobyna kelgen Tolǵanaıdyń qurbylary Aıdyngúl Aıtýǵan men Áıgerim Bostan: «Biz – Prezıdentke senemiz, Prezıdent – bizge, jastarǵa sensin!» dedi biraýyzdan.
Sharaǵa 1000-nan astam Almaty jastary jınaldy. Olardyń ishinde stýdentter, memlekettik emes uıymdardyń ókilderi, Qazaqstan halqy assambleıasynyń músheleri bar.
Elbasyn ulyqtaý saltanatyn qoldap, azamattyq ustanym tanytqan almatylyq jastar, sazdy mýzyka yrǵaǵymen alańda júgire júrip eldiń kók týyn, búrkit pen kúnniń keskinin órnektep salyp, halyq birligin dáriptedi.
Talǵat Súıinbaı.
Derek, sýret: egemen.kz.
