Foto: Abaı oblysynyń polısııa departamenti
Polısııanyń málimetinshe, oqıǵa búgin tús kezinde bolǵan. Apat ornyna dereý polısııa men tótenshe jaǵdaılar qyzmeti jóneltilgen.
«Alynǵan aqparat boıynsha, «Aqshyn» saýda úıiniń shatyry avtobýstardyń ústine qulaǵan. Saldarynan metall konstrýksııasy 2 avtobýsty zaqymdaǵan. Aldyn ala málimet boıynsha, azamattar arasynda zardap shekkender joq. Biraq kólik parki materıaldyq shyǵynǵa ushyrady», dep habarlady Abaı oblystyq polısııa departamentiniń baspasóz qyzmeti.
Aıta keteıik, iri órtten keıin saýda ortalyǵynyń ǵımaraty apatty jaǵdaıda tur. Semeı qalasyndaǵy eń iri kıim bazary bıyl 6 aqpanǵa qaraǵan túni órtendi. О́rtti birden aýyzdyqtaý múmkin bolmaǵan, keıin 3-qabattyń shatyry jartylaı opyrylyp túsken.
Atalǵan fakti boıynsha QR Qylmystyq kodeksiniń 292-baby «О́rt qaýipsizdigi talaptaryn olardyń saqtalýyna jaýapty adamnyń buzýy» boıynsha tergeý bastalǵany habarlandy.
