«Halyk Academy» zerthanasy

Jańa býyn mamandaryn daıar­laýǵa arnalǵan zerthana bank jáne qarjy salasynda teorııalyq bilim men tájirıbe alýǵa múmkindik bere­tin kásibı alańǵa aınalmaq.

Ál-Farabı atyndaǵy Qazaq ult­tyq ýnıversıtetiniń birinshi prorektory Erkin Dúısenov áriptestik negizde ashylǵan zerthana týraly aıta kelip: «Bul – óz kezeginde stýdent jastardyń ýnıversıtette alyp jatqan teorııalyq bilimin praktıkamen ushtastyrýǵa berilgen biregeı múmkindik. Zerthanada stýdentter qarjy salasynda bilim men ártúrli daǵdyny meńgerip, bolashaqta tabysty jumys isteıdi dep senimdemin. Sondyqtan «Halyq bankimen» áriptestigimiz ári qaraı nyǵaıa beredi», dedi prorektor.

О́z kezeginde «Qazaqstan halyq banki» AQ basqarma tóraǵasynyń orynbasary Dáýren Sartaev: «Qazaqstannyń jetekshi joǵary oqý oryndarynyń biri – Ál-Farabı atyndaǵy QazUÝ-da stýdentterge arnalǵan zerthanamyzdyń ashy­lýy – biz úshin úlken mártebe. Búgin­de aqparattyq tehnologııalar fa­kýltetiniń túlekteri ártúrli salada qyzmet etip, óz biliktilikterin kórsetip otyr. Oǵan dálel – bizdiń «Halyq banktiń HR» dırektory Indıra Ashırova osy fakýltettiń túlegi, óz salasynyń kásibı mamany. Sondyqtan da fakýltet matematıka, qarjy, IT salasynyń myqty irgetasy qalanǵan úlken mektep bolyp qala beredi», dedi ol.

Búginde «Qazaqstan halyq banki» AQ Ál-Farabı atyndaǵy QazUÝ-dyń negizgi seriktesi ǵana emes, sonymen qatar bakalavrıat, magıstratýra jáne doktorantýra deńgeılerinde «Derekter týraly ǵylym/Data Science» bilim berý baǵdarlamasynyń birlesken qurastyrýshysy jáne jumys berýshi sanalady. Bul ádis oqý baǵ­dar­lamasy men kásibı stan­­dart­tardyń úılesimdiligin qam­tama­syz etip, túlekterge mansap­tyq qadam­darǵa jol ashyp, derekter bazasymen jumys isteýge múmkindik beredi.

«Halyk Academy» baǵdarlamasy aıasynda stýdentterge bank sarap­shylarynyń dáristeri, ashyq esik kúnderi, sondaı-aq ındýstrııanyń zamanaýı talaptaryn eskere otyryp, ázirlengen bank mamandyqtary boıynsha kýrstar ótetin bolady. So­nymen qatar akademııa aıasyn­­d­a ǵylymı zertteýler men tehnolo­gııalyq ázirlemelerdi (R&D) damytý josparlanyp otyr. Bul stýdent­ter men oqytýshylarǵa qarjy sa­la­syndaǵy ınnovasııalardyń da­mýy­na yqpal etetin ózekti jobalar­men jumys isteýge múmkindik beredi.

ALMATY