Foto: ccnull.de/Marco Verch
Bir qyzyǵy, bul shaǵyn qalanyń alty turǵyny saılaý ýchaskesine týra tún jarymda kelgen. 1960 jyldan beri Dıksvıll Notch dástúrli túrde eldiń saılaý prosesin ashady eken.
Daýys berý nátıjesinde úsh daýys Donald Trampqa jáne úsheýi Kamala Harrıske berilgen. Mundaǵy saılaý nátıjeleri, ádette, birneshe mınýttyń ishinde sózbe-sóz qorytyndylanady. Jergilikti ýaqyt boıynsha shamamen 00:10-da barlyq nátıjeler jarııalanǵan.
Aıta keterligi. keıbir amerıkalyqtar Nıý-Gempshırdegi daýys berýdi saılaý nátıjesiniń sımvoldyq habarshysy dep sanaıdy.
Aldaǵy saılaýda amerıkalyqtar jańa prezıdentti ǵana emes, vıse-prezıdentti, kongrestiń 468 múshesin, 11 shtattyń gýbernatorlaryn jáne jergilikti úkimet ókilderin de anyqtaıdy.
