Foto: infocity.tech
KT-túsirilim boıynsha ınsýlt belgilerin anyqtaý úshin ınnovasııalyq sheshimderdi ázirleýshi otandyq Cerebra AI kompanııasy sheteldik naryqta da, elimizde de qyzmetin keńeıtýdi jalǵastyryp jatyr.
Úkimettiń málimetinshe, elimizdiń 47 ınsýlt ortalyǵynda baǵdarlamalyq qamtamasyz etýdi 700-den astam neırohırýrg pen nevropatolog belsendi paıdalanady. Tehnologııa О́zbekstan men Saýd Arabııasynyń aýrýhanalaryna da engizilgen.
Sonymen qatar kompanııa medısınalyq derekterdi jınaý jáne óńdeý salasyndaǵy yntymaqtastyqty tereńdetý jónindegi josparlarǵa basymdyq berip otyr. Bul úshin Shanhaıdaǵy VII Qytaı halyqaralyq ımport kórmesi erekshe tuǵyr bolǵan.
«Qytaı – biz úshin strategııalyq mańyzdy naryq. Biz munda jergilikti kompanııalarmen tanysýǵa, ónimimizdi kórsetýge ári yntymaqtastyq múmkindikterin talqylaýǵa keldik. Qytaı tehnologııalardy ázirleý salasynda kósh bastap tur. Sol sebepti biz munda tájirıbe almasyp, bıznesimizdiń kókjıegin keńeıte alatynymyzǵa senimdimiz», dedi Cerebra AI kompanııasynyń dırektory Arman Ospanov.
