Foto: Ashyq derekkóz
Ákimdiktiń málimetinshe, oblystaǵy joldardyń jalpy uzyndyǵy – 4 440 shaqyrym, onyń ishinde oblystyq mańyzy bary – 1 265 shaqyrym jáne aýdandyq mańyzy bary – 3 175 shaqyrym. Bul joldardy qysta kútip ustaýǵa 43 merdiger uıym jaýapty dep tanyldy.
Sonymen qatar 401 birlik tehnıka, bes myń tonna ınertti materıal, 965 tonna dızel otyny ázirlengen. Aıbek Qaıyrdyń aıtýynsha, jylý pýnktterin daıyndaý jáne olardy qajetti azyq-túlik qorymen qamtamasyz etý, sondaı-aq jol boıyndaǵy sý ótkizý qubyrlaryn tazalaý jumystary aıaqtalyp qalǵan.
«QazAvtoJol» UK» AQ oblystyq fılıalynyń dırektory Aıbol Danaǵuldyń málimetinshe, kompanııa respýblıkalyq mańyzy bar 1869 shaqyrym jolǵa qyzmet kórsetedi. Onyń 117 shaqyrymy qazir jóndelip jatyr. Jumysty aıaqtaý prosesin jedeldetý úshin qosymsha tehnıka tartylǵan.
«Joldarda 101 qarly ýchaske bar. Onyń 28 ýchaskesinde 86 shaqyrym temirbeton qorshaýlar ornatyldy. Qalǵan ýchaskelerge ýaqytsha aǵash qalqandary qoıylady. Sondaı-aq qar qursaýynda qalǵan júrgizýshiler men jolaýshylar úshin 15 jylytý pýnkti daıyndaldy. 28 arnaıy tehnıka jumyldyryldy. Jetispeıtin tehnıka jalǵa alynady. Qazir ınertti materıaldar daıyndalyp jatyr. Jalpy 9400 tonna qum men 2020 tonna tuz daıyndaý josparlanǵan», dedi Aıbol Danaǵul.
Sondaı-aq qysta kólik keptelisin boldyrmaý úshin «Samara-Shymkent» respýblıkalyq mańyzy bar avtojolynyń «Aqtóbe-Hromtaý-Qarabutaq» baǵytyndaǵy ýchaskelerde aınalma joldar jasalǵan. Sonymen qatar qarly boran bolǵan jaǵdaıda kólik úshin qosalqy turaqtar daıyndalady. Olardyń biri - Hromtaý aýdany Aqjar aýylynyń tusynda ashylǵan.
Qala ákiminiń orynbasary Juldyzbek Bısembın óz kezeginde oblys ortalyǵyndaǵy joldardy kútip ustaý máselesi týraly baıandady. Qala 24 ýchaskege bólingen, olardyń árqaısysyn qysta kútip ustaýǵa jaýapty merdiger uıym bekitilgen. Qysta kóshelerdi tazalaýǵa 350 birlik tehnıka shyǵady. Qalany qardan tazartý úshin kúndizgi aýysymda 30 brıgada (40 tıegish, 150 júk kóligi) jáne túnde 20 brıgada (20 tıegish, 60 júk kóligi) jumyldyrylady. Merdigerler qazirdiń ózinde 1250 tonna tuz, 1830 tonna qum-tuz qospasy jáne 2000 tonnadan astam qum jınaǵan.
Daıyndyq sharalary týraly aıta kele, qala ákiminiń orynbasary el boıynsha eń tómen sanalatyn joldardy qysqy kútip ustaý tarıfterin qaıta qaraý qajettigin atap ótti.
Ashat Shaharov oblysta joldardy qysqy kútip ustaýǵa daıyndyq týraly baıandamalardy tyńdap bolǵan soń, tolyq daıyndyqty, aýa raıy jaǵdaılaryna ýaqytyly den qoıýdy jáne qozǵalystyń barlyq qatysýshylary úshin qaýipsizdikti qamtamasyz etýdi tapsyrdy.
«Joldarda qaýipsizdikti qamtamasyz etý jáne qys mezgilinde júrgizýshiler úshin táýekelderdi azaıtý qajet. Joldardy jóndeýdi ýaqtyly aıaqtaýǵa jáne qolaısyz aýa-raıyna jedel den qoıýǵa erekshe nazar aýdarý mańyzdy. Barlyq jumys aýa raıy jaǵdaılary men halyq qajettiligin eskere otyryp júrgizilýi tıis. Qardyń saldaryn tez arada joıý ǵana emes, sonymen qatar aldyn-ala daıyndalý – jylý pýnktterin, qum men tuz qoryn uıymdastyrý, qorshaýlar men arnaıy tehnıkanyń bolýyn qamtamasyz etý kerekpiz. Joldarda qaýipsiz júrý úshin jaǵdaılar barlyq negizgi ýchaskelerde qamtamasyz etilýi tıis», dedi oblys ákimi.
