PETROPAVL. 29 sáýir. Prezıdentti ulyqtaý rásimi Qyzyljar óńirinde keńinen atap ótildi. Bul týraly egemen.kz tilshisi habarlady.
M.Qozybaev atyndaǵy Soltústik Qazaqstan memlekettik ýnıversıtetine jınalǵan etnomádenı birlestikter, stýdent-jastar, úkimettik emes uıymdar ókilderi saltanatty rásimdi tikeleı efır arqyly tamashalaǵannan keıin fleshmob uıymdastyrdy.
Shara barysynda Shyńǵys Qurbanov, Marııa Chernyshova, Aleksandr Plotko jáne taǵy basqa spıkerler sóz alyp, qaıta saılanǵan Qazaqstan Respýblıkasynyń Prezıdenti Nursultan Nazarbaevtyń ant berýi óskeleń urpaqtyń boıyna otanshyldyq sezimderin qalyptastyrýmen qatar eren jaýapkershilik júkteıtinin jetkizdi.
«Jastar! Sizder jańa ǵana Memleket basshysynyń sózderin tebirene tyńdadyńyzdar. Men bárińizdi Elbasymyzdaı halyqqa adal qyzmet etip, el men ult múddesin aldyńǵy orynǵa qoıýǵa shaqyramyn. Búginde Qazaqstandy álemdik qaýymdastyq jaqsy tanıdy, demokratııalyq el retinde moıyndaıdy», – dedi spıkerlerdiń biri, jergilikti kúrd qoǵamdyq uıymynyń jetekshisi Rashıd Nadırov.
«Doslýk» tatar-bashqurt mádenı qoǵamynyń tóraǵasy Ámir Baıazıtovtyń sózderi de jarqyn shyqty. Ol Elbasynyń ulyqtaý rásiminde belgilep bergen mindetterine toqtalyp, tarıhtyń jańa beti ashylǵanyn málimdedi.
Sondaı-aq: «Keıingi urpaqqa Qazaqstandy tabystaý barshamyzǵa ortaq paryz, halyqtyń zor senimin arqalaý eń bıik mártebe, jańa ǵasyrdyń syn-qaterlerine tótep berip, órkenıetti elder qataryna qosylý – basty jaýapkershilik», – degen Elbasy talaptary jınalǵandar tarapynan qyzý qoldaý taýyp, jigerli uran sózdermen jaýap berildi.
«Tek beıbitshilik, yntymaq, kelisim arqyly ǵana qýatty memleket bolyp qalyptasamyz, ol úshin qajymaı eńbek etý kerek», – degen oı túıildi jıyn sońynda.
О́mir Esqalı.
Derek, sýret: egemen.kz.
