Foto: kyzylorda-news.kz
Mınıstr jyl sońyna deıin alty ońaltý ortalyǵyn, 2025 jyly úsh erte aralasý ortalyǵyn ashý josparlanǵanyn atap ótti.
Aıta keteıik, sońǵy 5 jylda eresek turǵyndardyń múgedektik qurylymy ózgerissiz qalǵan. Birinshi orynda qan aınalymy júıesiniń aýrýlary, ekinshi orynda – qaterli isikter, úshinshi orynda – psıhıkalyq aýrýlar tur.
«Sozylmaly ınfeksııalyq emes aýrýlardyń asqynýlaryn erte dıagnostıkalaý jáne aldyn alý maqsatynda jyl saıyn MSAK deńgeıinde 3,4 mln eresek adam qan aınalymy júıesiniń aýrýlaryna, qant dıabetine, onkologııaǵa aýrýlardy erte anyqtaý skrınıngimen qamtylady. Bul pasıentter dınamıkalyq baqylaýmen jáne tegin ambýlatorııalyq dári-dármektermen qamtamasyz etiledi», dedi Aqmaral Álnazarova.
Málimetterge súıensek, elimizde júrek-qan tamyrlary aýrýlary bar naýqastarǵa kómek kórsetý úshin 83 ınsýlt jáne 48 koronarografııa ortalyǵy jumys isteıdi. Eresekterge medısınalyq ońaltý jeti beıin boıynsha kórsetiledi: kardıologııa, kardıohırýrgııa, nevropatologııa, neırohırýrgııa, travmatologııa, ortopedııa jáne 2024 jyldan bastap qaterli isikter.
Sońǵy 3 jylda 772 densaýlyq saqtaý uıymdarynda ońaltýǵa beıindelgen tósek qorynyń sany 2 ese artyp, 8 myńǵa deıin jetkizilgen.
Sonymen qatar qyzmet kórsetýshilerge qoıylatyn talaptardy arttyrý úshin ońaltý kómegin kórsetý jáne jaraqtandyrýdyń eń tómengi standart talaptary qaıta qaralǵan.
Mınıstrdiń aıtýynsha, 2025 jyldan bastap sozylmaly juqpaly emes aýrýlardyń asqynýlaryn erte anyqtaý jáne aldyn alý boıynsha alǵashqy medısınalyq-sanıtarlyq kómektiń sapasyn baǵalaýdyń jańa modeli engizilip jatyr, bul múgedektikti azaıtýǵa múmkindik beredi.
