«Jasyl» ekonomıkany birlesip damytamyz

Bangkok qalasynda Qazaqstan Respýblıkasynyń Taıland Koroldigindegi elshisi Marat Esenbaevtyń Taıland Koroldigi Tabıǵı resýrstar jáne qorshaǵan orta mınıstri Daýpong Ratanasývanmen kezdesýi ótti. Kezdesý barysynda ekologııa men «jasyl» ekonomıka salasyndaǵy Qazaqstan – Taıland yntymaqtastyǵynyń aǵymdaǵy ahýaly men keleshegi talqylandy. Qazaqstandyq dıplomat Taı­land­tyń Tabıǵı resýrstar jáne qorshaǵan orta mınıstrine Qazaqstannyń qa­zirgi áleýmettik-ekonomıkalyq damýy, Otanymyzdyń «jasyl» ekono­mıkaǵa kóshýi boıynsha tujyrym­damasy, EKSPO-2017 halyqaralyq mamandandyrylǵan kórmesine da­ıyn­dyǵy haqynda habardar etip, El­ba­synyń «Nurly Jol – bolashaqqa bastar jol» atty Qazaqstan halqyna Joldaýynyń negizgi qaǵıdalary týraly aıtyp berdi. D.Ratanasývan Qazaqstannyń búgingi jetistikteri men Prezıdent N.Á.Nazarbaevtyń qorshaǵan ortany qorǵaý boıynsha kóregen saıasatynan úlken áser alǵanyn jáne eki el basshylaryna tán ortaq bir erekshelik – bolashaq urpaqty, jastardyń qamyn jáne olardyń jarqyn bolashaǵyn oılaý bolyp tabylatynyn atap ótti. Taı mınıstri Qazaqstannyń «ja­­syl» ekonomıkany damytý­ bo­ıyn­sha kúsh salýyn, Qazaq­stan úki­­me­­tiniń ekologııalyq júıe­ler­di qor­­ǵaý boıyn­sha sharalaryn­ atap ótti. Atap aıtqanda, D.Rata­na­sý­van­­ Qazaqstannyń ormandardy qalpyna keltirý men qurǵaq jer­lerdi kógaldandyrý salasyndaǵy tájirıbesin zertteýge qyzyǵýshylyq tanytty. Sondaı-aq, elimizdiń turaq­ty damý salasyndaǵy halyqaralyq bastamalaryn joǵary baǵalaıtynyn bildirdi. Mınıstr Taılandtyń qa­zaq­standyq bastama bolyp tabyla­tyn «Jasyl kópir» seriktestik baǵdar­lamasy sheńberindegi Ynty­maq­­tastyq týraly hartııaǵa jedel qosy­lýǵa múddeli ekenin atap kórsetti. Taraptar, sonymen qatar, sý jáne energııa kózderin tıimdi paıdalaný, atap aıtqanda, sý basqarý, trans­shekaralyq ózender, sý tasqynynyń aldyn alý jáne qalpyna keltirý sha­ralary, jańartylmaly energııa kóz­derin damytýda tájirıbe almasý týraly ýaǵdalastyqtarǵa qol jetkizdi. Taılandtaǵy balamaly jáne ja­ńar­­­­tylmaly energııa kózderiniń jalpy tutyný mólsherindegi úlesi 6%-dy qu­raıdy. JEK damýynyń negizgi baǵyty bıomassa bolyp tabylady. Kezdesý qorytyndysy boıynsha Taılandtyń Tabıǵı resýrstar jáne qorshaǵan orta mınıstri tıisti kezdesýler ótkizý, ekologııa men turaqty damý salasyndaǵy Qazaqstan – Taıland yntymaqtastyǵynyń táji­rıbelik máselelerin talqylaý maqsatynda Qazaqstanǵa saparmen barý múmkindigin qarastyrýǵa nıet bildirdi. «Egemen-aqparat».