Jetistik baspaldaqtary
Bilim mekemesi 1966 jyly ashylǵanymen, tarıhy sonaý 1957 jyly qyrkúıeginen bastalady. 1957 jyldyń jazynda Reseıdiń ataqty jazýshysy Konstantın Sımonov kelip, alǵashqy tyń ıgerýshilermen tanysqany da Myrzashóldiń tarıhyndaǵy aıryqsha oqıǵalar. Alǵashynda V.Lenın atyndaǵy №2 orys-qazaq orta mektebi retinde 1965 jyly ashylǵan bilim ordasy 2 qabatty jańa úlgide salyndy. 1972 jyly mekteptiń aty N.Krýpskaıa №22 orta mektebi bolyp ózgerdi. 2000 jyldyń 23 mamyrynan bastap oqý ordasy Úkimettiń №775 Qaýlysymen qazaqtyń birtýar uly Mustafa Shoqaı esimimen ataldy.
Jyl saıyn birneshe ondaǵan túlekti úlken ómirge qanattandyryp, ushyryp otyrǵan bilim mekemesi talaı talantty shákirttiń shyraǵdanyn jaqty, úmitin úkilep, aıtýly dodalarǵa qosty. Shákirtterdiń arasynda ǵalymdar, belgili pedagogtar, jýrnalıster, medısına qyzmetkerleri, bıznes ókilderi bar.
Bilim sapasy joǵary, bilikti pedagogtar sabaq beretin mekteptiń jetistikteri az emes. 2023-2024 oqý jylynda 6 oqýshy «Altyn belgini» alsa, 2 oqýshy «Úzdik attestat» ıegeri atandy.
Mektepte tárbıe isi jaqsy jolǵa qoıylǵan, oqýshylarmen turaqty tárbıe úderisi júrgiziledi. Tárbıe úderisi bul – tulǵanyń tárbıelik deńgeıi, ol oqýshynyń qorshaǵan áleýmettik ortamen jáne jalpy qoǵammen árekettestikke daıyndyǵymen sıpattalady.
Oqýshynyń dúnıetanymdyq qabiletin qalyptastyrý jáne damytý arqyly oqý men tárbıe jumysynda jańashyl is-áreketpen shyǵarmashyl tulǵa tárbıeleý – tárbıe jumysynyń basty maqsaty.
Birtutas tárbıe baǵdarlamasy aıasynda ótkizilgen jumystar mektep dırektorynyń tárbıe jumystary jónindegi orynbasarlary Bolat Seralıev pen Baýyrjan Aýelbekov basshylyǵymen is-sharalar uıymdastyrylyp júr. Is-sharalar birneshe baǵytty qamtıdy.
Bilim kúni aıryqsha ótti
Bıylǵy 1 qyrkúıekte M.Shoqaı atyndaǵy №26 jalpy bilim beretin mektebi Bilim kúnine arnalǵan saltanatty is-sharasyn ótkizdi. Bilim merekesi «Mektebim, meıirim mekeni» dep ataldy. Oǵan mekteptiń pedagogtary, qurmetti ardager ustazdar, eńbek ardagerleri, ata-analar, 1-11 synyptyń oqýshylary qatysty. Mektep dırektory Uljalǵas Prımbekova saltanatty is-sharada sóz sóılep, jınalǵandardy quttyqtap, izgi tilekterin bildirdi. Aýyl bıi E.Bıbolov pen aýyl aqsaqaly O.Myrzalıev oqýshylardy jańa oqý jylynyń bastalýymen quttyqtap, mektep ujymyna sáttilik tiledi. Oqýshylar bı bılep, án shyrqady. Mektep tabaldyryǵyn jańadan attaǵan búldirshinderge alǵashqy qońyraý soǵylyp, bilim saparynda aq jol aıtqan jıyn túlekterge sátti sapar tiledi.
Joldaý qoldaý tapty
2024 jyly 16-qyrkúıekte M.Shoqaı atyndaǵy №26 jalpy bilim beretin orta mektepte Prezıdent Q.Toqaevtyń Qazaqstan halqyna Joldaýy talqylandy, Memleket basshysy júktegen mindetter týraly aıtyldy. Jıynda sóz bastaǵan mektep dırektory – Uljalǵas Qonysqyzy Joldaýdaǵy bilim berý isine qatysty atqaratyn jumystarǵa toqtaldy.
Jıynda sóz alǵan mektep dırektorynyń tárbıe jumystary jónindegi orynbasary Bolat Seralıev Joldaý týraly egjeı-tegjeıli aıtyp, onda kórsetilgen basym toǵyz baǵyttyń 5, 6 baǵyttarynda kórsetilgen bilim salasyna qatysty máselelerdi keńinen qamtyp, mazmundy taldaý jasady.
Ondaǵy «Investısııalyq ahýaldy jáne bıznesti júrgizý», «Eldiń ónerkásip áleýetin damytý», «Infraqurylymǵa qatysty ózekti máseleler, «Memlekettik basqarý isiniń tıimdiligin barynsha arttyrý», «Qoǵamda zań men tártip ıdeologııasyn tereń ornyqtyrý». Ol zańnyń ústemdigi týraly Joldaýda kórsetilgen málimetterge erekshe toqtalyp ótti.
Tarıh páninen ádisteme birlestiginiń jetekshisi Z.Shegebaeva joldaýda baǵdarlarda bilim salasy boıynsha birneshe máselelerdi aıtylǵanyn atap ótti. Jınalysqa qatysýshylardyń suraqtaryna jaýap berildi.
Ákeler keńesi jumys isteıdi
Tárbıe jumysynda ákeniń orny bólek. Otbasynda balasynayń bolashaǵyna kóbirek kóńil bólgen ákeler mektepte ótken is-sharalarǵa, jalpy tárbıe jumystaryna barynsha atsalysady. Bul – óte qýanarlyq jáıt. Jýyrda mektepte «Ákeler keńesi» ótti. Oǵan Jyly sý aýyly ardagerler keńesiniń tóraǵasy O.Myrzalıev, Aýyldyq okrýgtiń aǵa bıi E.Bıbolov, aýyl ákiminiń orynbasary A.Aldeshov, aýyldyq polısııa ınspektory N.Ormanov, Ákeler keńesiniń tóraǵasy A.Súttibaev jáne mekteptiń ata-analary qatysty. Onda qoǵamdaǵy er azamattardyń rolin arttyrý, áke quqyǵy, ákeniń otbasyndaǵy róliniń tómendeý sebepteri talqylandy. Sondaı-aq qazirgi ulttyq tárbıege, ulttyq qundylyqtarǵa baǵdarlanǵan tárbıe jumystaryn jandandyrý, zamanaýı, parasatty ákelerdiń jańa bet-beınesin qalyptastyrý máseleleri sóz boldy.
«Bala tárbıesinde ákeler róliniń álsirep bara jatqany belgili. Mekteptiń ata-analar jınalysyna tek analar keletini jasyryn emes. Keıde balalar oqý ordasyna mektep formasyn kımeı keletini, tún mezgilinde jasóspirim oqýshylardyń kóshede júretini, túrli jınalystar uıymdastyratyny bar. Osyǵan baılanysty tárbıe jumystarymen tek ustazdar ǵana emes, otbasynda ákeler de aınalysýy tıis», dedi mektep dırektorynyń tárbıe jumystary jónindegi orynbasary Baýyrjan Aýelbekov.
O.Myrzalıev bala tárbıesinde ákeler róli shynynda da tómendep ketkenin, balanyń keleshekte myqty azamat bolýy úshin jastaıynan áke tárbıesin kórip, al ákeler balasyna qaı kezde de úlgi kórsetýi kerektigine jurt nazaryn aýdardy. Polısııa ınspektory N.Ormanov quqyq buzýshylyqtyń aldyn alý boıynsha aıta kele beımezgil ýaqytta balanyń kóshede júrmeýin nazarǵa alý kerektigin eskertse, A.Aldeshov eki-úsh kún saıyn kóshelerde reıdter uıymdastyrylatyny týraly usynys aıtty.
Osy rette mektepte «Esirtki tutyný, temeki shegý, alkogolızmniń aldyn alý» taqyrybynda 9,10,11 synyp oqýshylary qatysqan jınalys ótti. Osy taqyrypta beınefılm kórsetildi.
Mektep dırektorynyń orynbasary Bolat Seralıev osy taqyrypta baıandama jasap, oqýshylardyń suraqtaryna jaýap berdi. QR Qylmystyq kodeksiniń 296, 297, 299-baptarynda esirtkige baılanysty qylmystyq áreket bolyp tabylatyn jaılardan habar berdi. Medbıke J.Ilıasova esirtki tutyný, temeki shegý,alkogolızmniń densaýlyqqa óte zııan ekenin aıtyp, oqýshylardy jaman ádetten aýlaq bolýǵa shaqyrdy.
Sondaı-aq mektepte «Biz sybaılas jemqorlyqqa qarsymyz» taqyrybynda jınalys ótkizildi. N.Tobaqabylov sybaılas jemqorlyqqa qarsy mektepte júrgizilip jatqan jumystarǵa toqtalyp ótti. Tarıh páninen ádisteme birlestiginiń jetekshisi Z.Shegebaeva sóz sóılep, túrli is-sharalardy kóbeıtý kerektigin aıtty.
Muǵalimder merekesi
M.Shoqaı atyndaǵy №26 jalpy bilim beretin mektebinde pedagogtardyń kásibı merekesi aldynda «Ustaz – uly tulǵa» taqyrybynda merekelik is-shara uıymdastyryldy. Saltanatty is-sharaǵa B.Dosbolov, B.Aıbekov, B.Sarbasova, M.Aınabaeva, G.Quralbaeva, A.Orynbekova jáne taǵy basqa ardager ustazdar qatysty. Keshti júrgizgen Saltanat Dúısetaeva ardager ustazdardy qurmettep ortaǵa shyǵaryp, júrekjardy izgi tilekterin jetkizdi, olarǵa baǵaly syılyqtar taratty.
Mektep oqýshylary ustazdarǵa arnalǵan ánderin aıtyp, bı bıledi. О́nerli ustazdar G.Aıdarova men A.Jahaeva án shyrqap, keshtiń shyraıyn ashty. Merekeleý barysynda logıkalyq (jaǵdaıat) suraqtar qoıylyp, durys jaýap bergen ustazdarǵa syılyqtar berildi. Bul kún shyn máninde urpaq tárbıeleýde zor úles qosqan pedagogtardyń mereıi ústem bolǵan, qatysqandarǵa merekelik kóńil-kúı syılaǵan umytylmas kúnge aınaldy.
Aıryqsha mereke
Ulttyq merekeniń jas óskinderge berer tárbıelik mańyzy zor ekeni málim. Mereke tek toı toılaýǵa ǵana emes, oı oılaýǵa, bilimdi bolýǵa jeteleıdi. Ult zııalysy atyndaǵy oqý ordasynda 25 qazan – Respýblıka kúnine oraı 2-b synyp jetekshisiMýhabbat Iskendırova tamasha synyp saǵatyn ótkizdi.
Synyp oqýshylary memlekettik Ánurandy oryndap, M.Iskendırova oqýshylarǵa kele jatqan merekeniń tarıhy men onyń mańyzy týraly túsindirdi. Oqýshylar kezekpen «El», «Týǵan jer» «Otan» týraly óleńder oqyp, patrıottyq ánder oryndady.
Kúzgi «Asar» ádemi áser syılady
Oqýshylardyń kúzgi demalysyn tıimdi paıdalaný, ýaqyttaryn paıdaly ótkizý – tárbıe jumystarynyń bir parasy.
«Osy maqsatta mektebimizde kúzgi demalystaǵy «Asar» is-sharasy uıymdastyryldy, mektep dálizinde mektep oqýshylary tálimger G.Bojımbetovanyń uıymdastyrýymen «Kúzgi asar»jármeńkesin ótkizdi. Jármeńkege oqýshylardyń qolymen jasalǵan zattar qoıyldy. Bul is-shara balalarǵa qatty unady», deıdi mektep dırektorynyń tárbıe jumystary jónindegi orynbasary Bolat Seralıev.
P.S. Alpysqa jýyq ýaqyt Myrzashól jetkinshekteriniń juldyzyn jaǵyp, shamshyraqtaryn jarqyratqan bilim berý mekemesiniń qurylǵanyna da alpys jylǵa jýyqtap qalypty. Irgesi myqty, bilikti, bilimdi pedagogtar dáris bergen oqý ordasynyń alda alar asýy bıik, maqsattary aıqyn, bolashaǵy jarqyn deýge ábden laıyqty. Qara shańyraqtan túlep ushqan shamshyraqtar-shákirtter elimizde ǵana emes, álemdik mereıli oryndarda júr. Shákirtter ustazdarymen maqtansa, ustazdar talantty shákirtterimen maqtanady. Ylǵı abyroı bıiginen kórinsin, túlekter tek jaqsy habarmen oqý ordasyna oralyp, qýantyp júrsin deımiz.
Bolat Seralıev
Túrkistan oblysy
