Oqıǵa «Rıo-de-Janeıro» turǵyn úı kesheniniń qurylys alańynda bolǵan. Áleýmettik jelide qulaǵan krannyń vıdeosy tarady. Vıdeo avtory qurylys alańyndaǵy basqa krandardyń da qulaý qaýpi bar ekenin aıtyp, shara qabyldaýdy suraǵan.
Tótenshe jaǵdaılar mınıstrliginiń málimetinshe, krannyń qulaýy jeldiń kúrt kúsheıýi men krannyń ýaqtyly kúsheıtilmeýi saldarynan bolǵan.
«Saryarqa aýdany, Sultan Beıbarys kóshesi, 25/4, «Rıo-de-Janeıro» qurylys alańynda (bas merdiger «G-park» JShS) KB-405 munara krany daýyldy jeldiń saldarynan qulaǵany týraly aqparat kelip tústi. Qaza tapqandar men zardap shekkender joq. Aldyn ala sebep – jeldiń kúrt kúsheıýi jáne kran rels joldarynda krannyń ýaqtyly kúsheıtilmeýi», delingen Tótenshe jaǵdaılar mınıstrliginiń habarlamasynda.
Eske sala keteıik, keshe qatty jeldiń saldarynan Aqtaýda aıaldama qulap, bir adam zardap shekken edi.
