Sport • 07 Qarasha, 2024

Kúresten álem chempıony Rızabek Aıtmuhanǵa jańa ataq berildi

190 ret

kórsetildi

1 mın

oqý úshin

Týrızm jáne sport mınıstri Erbol Myrzabosynov elordada Albanııa astanasy Tıranada kúres túrlerinen ótken álem chempıonatynyń jeńimpazdary men júldegerlerin marapattady, dep jazady Egemen.kz.

Dana MYRZAQADIR

Kúresten álem chempıony Rızabek Aıtmuhanǵa jańa ataq berildi

Foto: Sport jáne týrızm mınıstrligi

Is-sharaǵa Qazaqstan grek-rım, erkin jáne áıelder kúresi federasııasynyń prezıdenti Dáýlet Turlyhanov, erkin kúresten eresekter arasyndaǵy jeńimpazy Nurqoja Qaıpanov (70 kg), erkin kúresten 23 jasqa deıingi palýandar arasyndaǵy álem chempıony Rızabek Aıtmuhan (97 kg), grek-rım kúresinen kúmis júldeger Erjet Jarylqasyn (63 kg), áıelder kúresinen kúmis medal ıegeri Jámıla Baqbergenova (72 kg) jáne jattyqtyrýshylar qatysty.

«Mańyzdy jeńisterdiń biri retinde Nurqoja Qaıpanovtyń altyn medalin erekshe atap ótý kerek. Sondaı-aq kúmis medalǵa qol jetkizgen Erjet Jarlyqasyn men Jámıla Baqbergenova da myqty sportshy ekenin dáleldedi. Rızabek Aıtmuhandy aıyryqsha atap ótkim keledi. Ol bir jylda eki jas sanatyndaǵy álem chempıonatynda top jaryp, óz salmaǵynda rekord ornatty. Bul onyń 2028 jyly Los-Andjeleste ótetin Olımpıadada sátti óner kórsetýine jol ashady dep senemin», dedi Erbol Myrzabosynov.

Jıyn sońynda Týrızm jáne sport mınıstri Rızabek Aıtmuhan men Erjet Jarylqasynǵa Qazaqstan Respýblıkasynyń Eńbek sińirgen sport sheberi ataǵyn tabystady. О́zge sportshylar men jattyqtyrýshylardy Alǵys hatpen marapattady.