Foto: Úkimet
Úkimet baspasóz qyzmetiniń málimetinshe, jyl saıyn qaýip sheńberinde qalatyn óńirlerdegi sý aıdyndary men sý ótkizý stansııalary tekserilip jatyr.
Jıynǵa qatysýshylar keler jylǵa arnalǵan gıdrologııalyq boljammen de tanysty.
«Gıdrologııalyq boljamdarǵa sáıkes, qysta temperatýra rejımi klımattyq norma sheginde bolyp, jaýyn-shashyn mólsheri kópjyldyq normadan asady dep boljanǵan. 2025 jylǵy sý tasqyny kezeńin boljaýdy jaqsartý maqsatynda «Qazgıdromet» RMK sý basý qaýpi basym ózen ýchaskelerinde 31 deńgeıli gıdrologııalyq beket uıymdastyryp, ashty. Búgingi tańda 377 gıdrologııalyq beket, 25 qar ólsheýish marshrýt jáne 347 meteorologııalyq stansa jumys isteıdi. 9 oblysta kommýnaldyq menshiktegi gıdrotehnıkalyq qurylystardy kútip ustaý jáne olarǵa qyzmet kórsetý boıynsha mamandandyrylǵan uıymdar quryldy», delingen Úkimet málimdemesinde.
Sý tasqynyn aldyn ala boljaý maqsatynda ózenderde «HBV» jáne «SWIM» sandyq modelderin beıimdeý boıynsha jumystar iske asyrylyp jatyr. Sondaı-aq Batys, Shyǵys Qazaqstan oblystarynda 95 km kanaldy mehanıkalandyrylǵan tazartý jumystary júrgizildi. О́zenderdiń 51 ýchaskesi jáne 10 oblysta 1 kól anyqtalyp otyr. Onda birinshi kezekte ózenderdiń arnalaryn sanasııalaý qajet ekeni anyqtaldy.
Sý tasqyny qaýpi bar ýchaskelerde avtojoldardy rekonstrýksııalaý jáne jóndeý kezinde topyraq tósemi úıindisin bıiktetý máselesi de qaraldy.
«Búginde rekonstrýksııa júrgizilgen nysandarda 63 kópir salynyp, 324 sý ótkizgish qubyr tóseldi. Respýblıkalyq joldardy ortasha jóndeý sheńberinde 6 apatty kópirdi kúrdeli jóndeý jáne sý tasqyny qaýpi bar ýchaskelerde 420 sý ótkizý qubyryn ornatý jumystary júrgizilip jatyr. Ol boıynsha barlyǵy 396 sý tasqyny qaýpi bar ýchaskeler, 68 kópir jáne 768 sý ótkizý qubyrlary anyqtalyp, erekshe baqylaýǵa alyndy», delingen Úkimet habarlamasynda.
Jıynda keı óńirlerdiń osy baǵyttaǵy jumystardy ýaqytyly oryndamaı otyrǵany belgili boldy. Úkimet basshysy osyndaı olqylyqtardy ýaqytyly oryndamaı otyrǵan ákimderdi synǵa aldy.
«О́ńir ákimderi qysqa merzimde sý tasqynyna qarsy is-sharalardy júzege asyrý boıynsha barlyq keshendi sharalardy qabyldaýy tıis. Eń aldymen, sý burý arnalarynyń, aryqtar men drenaj júıeleriniń daıyndyǵyn qamtamasyz etý qajet. Tasqyn qaýpi bar eldi mekender mańyna topyraq bógetter turǵyzylyp, úlken sýdyń kelýinen qorǵalýy tıis», dedi Oljas Bektenov.
