Foto: Astana qalasy ákimdigi
Qalalyq ákimdiktiń málimetinshe, osy jyly 33 apatty úıdiń turǵyndary 703 páterge kóshiriledi. 2013 jyldan bastap 286 apatty úıdiń turǵyndary qonys aýdaryp, 4500-den astam otbasy jańa qonysqa jaıǵasqan.
2023-2029 jyldarǵa arnalǵan turǵyn úı qoryn jańartý jobasy aıasynda 206 apatty úıdiń turǵyndary Astanada 4 710 páterge kóshiriledi.
«Baǵdarlama aıasynda Bas josparǵa sáıkes Baıqońyr aýdanynyń aýmaǵynda 865 eski jáne eskirgen turǵyn úıler buzylady. Onyń ornyna kópqabatty turǵyn úıler, 9 bilim berý mekemesi, 7 densaýlyq saqtaý nysany, onyń ishinde 4 emhana, 3 medısınalyq ortalyq, 6 sport jáne mádenıet nysany, 27 kommersııalyq nysan, onyń ishinde SOO, bıznes-ortalyqtar, qonaq úıler men parkıngter, sondaı-aq 6 skver salý josparlanyp otyr», delingen ákimdik habarlamasynda.
Búgingi tańda aýdanda Kenesary, Asan qaıǵy, Taraz kósheleriniń qıylysyndaǵy eski úılerdi buzý jumysy bastalǵan. Apatty úıden kóshirilgenderge quqyq belgileıtin qujattarǵa sáıkes bólmeler sanyna jáne turatyn adamdar sanyna qaramastan, aýdany boıynsha birdeı mólsherde, biraq keminde bir bólmeli jańa páterler beriledi.
