Aıtalyq, bıyl jyl basynan qarasha aıyna deıin Astana, Almaty qalalarynda atalǵan qyzmet 157,9 myń ret kórsetilipti. Bul – óte jaqsy kórsetkish. Sebebi salystyrmaly túrde aıtsaq, byltyr jyl qorytyndysy boıynsha atalǵan qyzmet túri 53,9 myń ret kórsetilgen eken.
Invataksı qyzmetiniń sapasy men qyzmet kórsetý sapasyn arttyrý maqsatynda Eńbek jáne halyqty áleýmettik qorǵaý mınıstrligi ákimdiktermen birlesip, qyzmet túrin jetildirý, túrli ózgeris engizýge qatysty tyń sheshimder qabyldap otyrady. Mysaly, múgedektigi bar turǵyn endi ınvataksı qyzmetine kúni buryn, telefon arqyly jazyla alady. Bul erekshe qabiletti azamattardyń saparyn aldyn ala josparlaýǵa, kólikti kóp kútip qalmaýǵa múmkindik beredi.
О́ńirlerde ınvataksı qyzmetin usynatyn kólik quraldarynyń azdyǵy, basqa da máseleler jetip-artylady. Qýantarlyǵy, osy máselelerdi jeńildetý, sheshý maqsatynda qyzmet kórsetýge suranys alǵan taksı agregatorlaryn tartý jóninde qanatqaqty joba bastaldy. Mundaǵy basty shart – sapar aqysynda paıyzdyń bolmaýy. Ol paıyzdar ádette agregator platformalarynyń paıdasyna aýdarylady. Munyń barlyǵyn elep-eskergen «Iаndeks» kompanııasynyń qanatqaqty jobaǵa óteýsiz negizde qatysýǵa nıet bildirgeni – quptarlyq sheshim.
Túsinikti etip aıtar bolsaq, qanatqaqty joba sheńberinde endi el azamattary «Iаndeks Go» mobıldi qosymshasy arqyly ınvataksı qyzmetin qoldana alady. Bul qyzmet alýshyǵa kólikti tezirek tańdaýǵa, onlaın rejimde tapsyrys mártebesin qadaǵalaýǵa, saparǵa monıtorıng júrgizýge múmkindik beredi. Qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosylǵan. Al júrgizýshiler bolsa, erekshe qabiletti jolaýshyny kólikke otyrǵyzý, odan túsýde qalaı kómek kórsetýge bolatyny týraly arnaıy nusqaý alady.
Qanatqaqty jobanyń alǵashqy kezeńine Astana, Almaty qalalarynan múgedektigi bar adamdar toby qatysady. Keleshekte erekshe qabiletti adamdarǵa qyzmet kórsetýdiń jańa formatyn eldiń barlyq óńirine jetkizý mınıstrlikpen qosa, kompanııa basshylyǵynyń josparynda bar.
