Kóp kitap syılady

Kitaphana – ulttyq qundylyqtardy jastarǵa jetkize dáripteıtin oryn. О́ńirdegi mádenı jumystardyń uıytqysy bolyp júrgen aýdan ákimi Qanatbek Mádibektiń qol­daýy arqasynda kitaphanalardyń materıaldyq-tehnıkalyq bazasy edáýir nyǵaıdy. Tek ótken jyldyń ózinde 4 kitaphana ǵımaraty aǵymdaǵy jóndeýden ótkizildi. Aýdandaǵy 26 kitaphana túgel kompıýter jınaq­tary­men qamtamasyz etildi jáne ǵalamtor jelisine qosyldy. Aýdandyq kitaphana KABIS, al aýyldyq kitap­hanalar RABIS baǵdarlamasymen jumys atqarýǵa qol jetkizdi. Jáne kitaphana júıesiniń jeke saıty ashyldy. Elektrondy jarnamalyq qurylǵy ornatyldy. Kitap satyp alýǵa bólinetin qarjy jyldan-jylǵa kóbeıip  keledi. Ústimizdegi jyly zaǵıp jandarǵa kitaphanalyq qyzmet kórsetetin bólim ashý kózdelýde. О́tken jyly «Kitaphanaǵa kitap syılaıyq» atty atty aksııa ótip, is-shara barysynda 903 dana kitap aýdandyq kitaphanaǵa tap­sy­ryldy. Aýdan ákimi Q. Mádibek ótken jylǵy aksııada 145 dana kitap tap­syrsa, bıylǵy jyldyń basynda Sarysý aýdandyq ortalyqtandyrylǵan kitaphanalar júıesine jerlesimiz, aýda­nymyzdyń ardaqty azamaty Asanáli Áshimovtiń 300 dana fotoalbomyn,  Shona Smahanulynyń 72 dana kitabyn, Maraltaı Raıymbekulynyń 89 dana «Qarataý hazaldary», Sáýlembaı Ábsady­qulynyń jerlesimiz, ataqty boks sheberi Serik О́mirbekov jaıly 22 dana «Serik – qazaqtyń batyry» atty kitaptaryn syıǵa berip, 22 aýyldyq kitaphanaǵa taratyldy. Barlyǵy 600 dana kitap oqyrmandarǵa jol tartty. Svetlana QOJANAZAROVA, aýdandyq ortalyqtandyrylǵan kitaphanalar júıesiniń dırektory. Jambyl oblysy, Sarysý aýdany.