– Aqtóbe oblysyndaǵy oqý-jattyǵý ushýy kezinde bolǵan avıasııalyq apat saldarynan 1988 jyly týǵan Áýe qorǵanysy kúshteri áskerı ınstıtýty avıasııalyq eskadrılıasynyń ofıser-nusqaýshysy maıor Batyr Qaıratuly Orazymbetov qaıǵyly jaǵdaıda qaza tapty, – delingen habarlamada.
Ofıser Áýe qorǵanysy kúshteri áskerı ınstıtýtyn 2009 jyly «Ushaqtar, tikushaqtar jáne avıasııalyq qozǵaltqyshtar» mamandyǵy boıynsha bitirgen. Qyzmet barysynda Áýe qorǵanysy kúshterinde túrli laýazymdardan ótken. Mı-8 tikushaǵyn paıdalanýda úlken tájirıbesi bar, jalpy ushý ýaqyty 500 saǵattan asady. Qyzmet barysynda joǵary kásibılik pen adaldyq tanytqan. Bıylǵy jyldyń kókteminde bolǵan sý tasqynyna qarsy is-sharalarǵa qatysqan. Mereıtoılyq jáne eńbek sińirgen jyldary úshin medaldarymen marapattalǵan. Úılengen, artynda eki balasy qaldy.
– Apatty jaǵdaıdaǵy qoný kezinde zardap shekken áskerı ınstıtýt avıasııalyq eskadrılıasynyń komandıri maıor Bıbarys Ibraev pen oqý-jattyǵý avıasııalyq ortalyǵynyń aǵa ushqysh-nusqaýshysy aǵa leıtenant Rústem Nyǵmetov qazir oblystyq aýrýhanada jatyr. Jaǵdaılary turaqty aýyr. Olarǵa barlyq qajetti medısınalyq kómek kórsetilýde, – dep qosty vedomstvo baspasóz qyzmeti.
