Foto: Vıdeodan alynǵan kadr
Bas prokýratýranyń habarlaýynsha, kúdikti 2023 jyldyń tamyz aıynda Pavlodar qalasynda bireýdiń múlkin zorlyq-zombylyq arqyly ıemdený maqsatynda osy qylmysty jasaý úshin tanysymen qylmystyq kelisimge kelgen. Josparlaryn júzege asyrý úshin kúdiktiler túngi ýaqytty paıdalanyp, mas kúıinde buryn tanys bolǵan jábirlenýshini qarańǵy jerge aparyp, esinen tanyp qalǵansha uryp-soǵyp, 200 myń teńge mólsherdegi múlkin jymqyrǵan.
«Dene jaraqattary saldarynan jábirlenýshiniń densaýlyǵyna aýyrlyǵy ortasha zııan keltirilgen. Sybaılastardyń biri buǵan deıin 5 jylǵa bas bostandyǵynan aıyrylǵan, al ekinshi aıyptalýshy qashyp ketken, sol sebepti ol halyqaralyq izdeýge jarııalanǵan. Osy jyldyń sáýir aıynda ol Reseı Federasııasynyń Túmen qalasynyń aýmaǵynda ustaldy, sodan keıin Qazaqstan Respýblıkasy Bas prokýratýrasynyń suraýy boıynsha Qazaqstanǵa ekstradısııalandy», delingen habarlamada.
Qazir tańda kúdikti ýaqytsha ustaý ızolıatoryna qamalǵan. Oǵan taǵylǵan qylmysty jasaǵany úshin múlki tárkilenip, bes jyldan on jylǵa deıingi merzimge bas bostandyǵynan aıyrý jazasy kózdelgen.
