Foto: ashyq derekkóz
Áýezov aýdanynyń tártip saqshylary jastar túngi ýaqytta áreket etkenin anyqtaǵan. Olar keń kólemdi platformalar, kóbinese ótkelderdegi beton qabyrǵalarǵa sýret salǵan. Kúdiktiler ustalyp, prokýratýranyń úılestirýimen qamaýǵa alyndy. Esirtkilerdi nasıhattaý jáne jarnamalaý deregi boıynsha qylmystyq is tergelip jatyr.
«Kúdiktilerdiń biri – 18 jasta, ekinshisi – 22 jasta. Ekeýi de basqa qaladan kelgender, Almatyda turaqty jumysy joq. Ustalǵandardyń aıtýynsha, olar «ońaı aqsha tabýdy» kózdegen. Olardyń «jumys berýshileri» mindetti túrde anyqtalyp, jaýapqa tartylady», deıdi Áýezov aýdandyq polısııa basqarmasynyń bastyǵy Danııar Meńdebaev.
Almaty PD esirtki qylmysyna qarsy kúres basqarmasynyń málimetinshe, jyl basynan beri polıseıler 37 esirtki satýshyny ustaǵan. Esirtki satýdy nasıhattaǵan 451 ınternet-resýrs buǵattaldy.
