Aqtaýda lańkestikti nasıhattaǵan áıelge sot boldy

AQTAÝ. 30 qańtar. Aqtaýda WhatsApp jelisi arqyly lańkestikti nasıhattaǵan áıelge sot boldy. Bul týraly egemen.kz tilshisi habarlady. Jergilikti 27 jastaǵy turǵyn áıel elektrondy quraldarmen WhatsApp jelisi arqyly «terrorızmdi nasıhattady» dep aıyptaldy. Ol 2014 jyldyń 10 maýsymy men 9 tamyzy aralyǵynda ózimen dinı kózqarasy birdeı adamdarǵa «halyqaralyq terrorshylardyń áreketin» aqtaıtyn ıdeıalar men pikirlerdi taratqan. Tergeý, sondaı-aq, kúdikti Sırıadaǵy lańkestik uıymdar músheleriniń áreketin aqtaıtyn «aýdıojazbalar» taratqan» degen derek keltiredi. О́zine taǵylǵan kinálardy tolyqtaı moıyndamaǵan aıyptalýshy áıelge Aqtaý qalalyq soty tórt jyl bas bostandyǵynan aıyrý jáne jazany jalpy rejımdegi túzeý kolonııasynda óteýge úkim etti. Úkim zańdy kúshine engen joq. Gúlaıym Shyntemirqyzy. Derek: egemen.kz. Sýret: alashainasy.kz.