Foto: Ashyq derekkóz
Vedomstvo málimetinshe, Uzynkól aýdanynyń turǵyny demalysta júrgen aýyldasyn – polısııa qyzmetkerin tonaý jáne óltirý isi boıynsha aıyptalǵan.
Alaıda sotta zattaı dálelderdi zertteý kezinde memlekettik aıyptaýshy aldyn ala josparlanǵan, aıryqsha qatigezdikpen jáne jábirlenýshiniń kásibı qyzmetine kek qaıtarý maqsatynda jasalǵan kisi óltirý áreketin rastaıtyn aıǵaqtardy tapqan.
«Sot otyrysynda memlekettik aıyptaýshynyń ótinishi boıynsha sottalǵan adam 2021 jyly urlyq jáne polısııa qyzmetkeriniń ómirine qastandyq jasaý boıynsha sottalǵan burynǵy qylmystyq is materıaldarynyń kóshirmeleri zertteldi. Bul materıaldardy sottalýshy úkim shyǵarylǵannan keıin ózimen birge saqtap kelgen. Atap aıtqanda, zertteý barysynda árbir qujattaǵy laýazymdy tulǵalardyń aty-jónderi tusynda sottalýshynyń qoljazba túrinde jazbalar qaldyrǵany anyqtaldy. Tergeýshi men sarapshynyń aty-jónderiniń tusyna «pyshaqtaımyn» degen jazbalar jazylǵan. Jábirlenýshi, Uzynkól aýdany polısııa bóliminiń krımınalısiniń esimi dóńgelekpen qorshalyp, «pyshaqtaımyn» degen sózder jazylǵan (orfografııa men pýnktýasııa saqtalǵan)», delingen habarlamada.
Sotta sottalýshy bul jazbalardy penıtensıarlyq mekemede bolǵanda polısııa qyzmetkerlerine renjigendikten jasaǵanyn túsindirgen.
«Qylmystyń erekshe sebebi, qatigezdigi, aldyńǵy jazasyn ótegennen keıin tıisti qorytyndy jasamaýy, shartty túrde merziminen buryn bosatylýy, basqa tulǵalarǵa zııan keltirýge degen turaqty nıetiniń bolýy jáne zańǵa baǵynýshylyq minez-qulqynyń qalyptaspaýy eskerilip, memlekettik aıyptaýshy ony qoǵam úshin qaýipti dep sanap, ony ómir boıyna oqshaýlaýdy qajet dep tapty», dep habarlady oblystyq prokýratýranyń baspasóz qyzmeti.
Sot talqylaýynda prokýror sottalýshyǵa ómir boıyna bas bostandyǵynan aıyrý jazasyn taǵaıyndaýdy usynǵan.
