Foto: ashyq derekkóz
Sátbaev qalalyq sotynyń 2013 jylǵy 29 tamyzyndaǵy sheshimimen T.-dan N.-nyń paıdasyna kámeletke tolmaǵan 2 balany kútip-baǵýǵa alıment tóleý mindettelgen edi. Biraq azamat T. sot sheshimin oryndaýdan jaltarǵan. Sondyqtan, 2017 jyldyń 13 naýryzyndaǵy sot úkimimen QK-nyń 139-babymen kináli dep tanylyp, oǵan 1 jylǵa bas bostandyǵynan shekteý jazasy taǵaıyndalǵan. Degenmen, ol sonda da sot úkimin oryndaýǵa qulyqtylyq tanytpady. Aqyrynda, ony burynǵy áıeli qaıtadan sotqa berip, barynsha qatań jaza taǵaıyndaý talabyn qoıdy. Jábirlenýshiniń mundaı talap qoıýynyń sebebi, T.-nyń quqyqqa qaıshy áreketteriniń nátıjesinde 2024 jyldyń 29 shildesine deıingi alıment beresheginiń jalpy somasy 4 412 029 teńgeni quraıdy eken.
Sottalýshy kinásin tolyq moıyndap, bas bostandyǵynan aıyrmaýdy suraǵanymen, jábirlenýshi onyń sózine senimsizdik bildirip, talabyn keri qaıtaryp almaıtynyn málimdedi.
Mundaı jaǵdaıda zań talaby ne deıdi? Qylmys Kodeksiniń 139-babynda mundaı jaǵdaıda sottalýshy alty júz saǵatqa deıingi merzimge qoǵamdyq jumystarǵa tartýǵa ne eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanatyny kórsetilgen.
